• Latest news

Երիցուկի թեյը նվազեցնում է արյան մեջ գլյուկոզայի մակարդակը եւ օգտակար է դիաբետիկներին. հետազոտություն

16 սեպտեմբերի, 2019  21:35

Երիցուկի թեյի պարբերաբար գործածումը կարող է արդյունավետորեն նվազեցնել արյան մեջ գլյուկոզայի մակարդակը՝ այս կերպ պաշտպանելով շաքարային դիաբետի հետ կապված բարդություններից: Այսպիսի եզրակացություն են կատարել Մեծ Բրիտանիայի Աբերիսթվիթ համալսարանի գիտնականները՝ ճապոնացի գործընկերների հետ համագործակցությամբ:

Մասնագետները հետազոտության ընթացքում 2-րդ տիպի դիաբետով առնետներին երիցուկի հյութ են տվել: Արդյունքում՝ նվազել է ոչ միայն նրանց արյան մեջ գլյուկոզայի մակարդակը, այլեւ արգելափակվել է ալդոզո-ռեդուկտազա ֆերմենտի ակտիվությունը, որի պատճառով զարգանում են դիաբետիկ բարդությունները: Այս ֆերմենտը արյան մեջ գլյուկոզայի ավելցուկը վերափոխում է սորբիտոլի՝ նյութ, որը կուտակվում է բջիջներում եւ զանազան շեղումներ առաջացնում:

Դրանից բացի, հետազոտողները երիցուկի թեյի՝ արյան մեջ գլյուկոզայի մակարդակի նվազեցման հատկությունը թեստավորել են 2-րդ տիպի դիաբետով հիվանդ կամավորների խմբի վրա: Կամավորները 3 շաբաթ պարբերաբար երիցուկի թեյ են խմել: Արդյունքում՝ նրանց արյան մեջ գլյուկոզայի մակարդակը նվազել է 25 տոկոսով, չնայած կենսակերպում ոչ մի այլ փոփոխություն չի եղել:

Այսպիսով, դիաբետիկներին հանձնարարվում է իրենց սննդակարգի մեջ ներառել երիցուկի թեյ, եթե, իհարկե, երիցուկից ալերգիա կամ այն գործածելու համար ցանկացած այլ հակացուցում չունեն: Գիտնականները համոզված են, որ այս թեյը կօգնի պաշտպանվել դիաբետին հատուկ բարդություններից՝ աչքերի, նյարդերի, երիկամների վնասվածքներ եւ այլն:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է