Անգլիական Ֆլինթշիր (Ուելս) քաղաքից 8-ամյա տղան մորը փրկել է կայծակնային արձագանքի շնորհիվ, որի մոտ անաֆիլակտիկ շոկ էր սկսվել:
Daily Mirror-ը հայտնում է, որ 2 երեխաների մայր 34-ամյա Ջենիֆեր Լեմբն այդ օրը տանը մենակ էր որդու՝ Ուիլյամի հետ: Կինը շոկոլադ է կերել, որն առաջացրել է ծանր ալերգիկ ռեակցիա, եւ նա սկսել է շնչահեղձ լինել: Նա սկսել է իրեր նետել եւ ձայներ արձակել՝ երեխայի ուշադրությունը գրավելու համար:
Ուիլյամը վազել է մոր մոտ եւ անմիջապես շտապ օգնություն զանգահարել:
«Ես վատ էի լսում ամբողջ խոսակցությունը, բայց հիշում եմ, որ նա կարգավարին ասաց. «Մամաս վատ է զգում, նա շնչահեղձ է լինում»,- հիշում է Ջենիֆերը:
Տղան արագորեն կատարել է բժշկի հանձնարարականները. նա մորը պառկեցրել է հատակին եւ նրա գլուխը հետ է թեքել, որ բացի նրա շնչուղիները: Այնուհետեւ բուժաշխատողների համար բացել է մուտքի դուռը եւ սպասել նրանց ժամանելուն:
«Բժիշկները եկան 10 րոպեից,- նշել է մայրը: - Բայց Ուիլյամն, անկասկած, փրկեց իմ կյանքը»:
«Սկզբում վախեցա, հետո հավաքեցի ինձ եւ հանգստացա»,- խոստովանել է Ուիլյամը:
Կնոջը տեղափոխել են հիվանդանոց եւ անալիզ վերցրել՝ ալերգիայի պատճառը պարզելու համար:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր