• Latest news

Գիտնականները եզակի ռոբոտներ են ստեղծել, որոնք սնուցվում են մարդկային օրգանիզմի ռեսուրսներից

18 սեպտեմբերի, 2019  17:20

Իլինոյսի համալսարանի մասնագետները փափուկ ռոբոտացված սարքեր են մշակել, որոնք սնուցվում են նեյրոմկանային տարրերից եւ արձագանքում լուսային ազդեցությանը: Դրանք հնարավոր կլինի օգտագործել տարբեր ոլորտներում՝ կենսաինժեներիայից մինչեւ բժշկություն:

Xinhua-ի հաղորդմամբ՝ գիտնականները փորձարկել են 2 «պոչով» ռոբոտների, որոնք սնուցվում են շարժական նեյրոններով խթանվող կմախքային մկաններից, որոնք կարող են ազդանշան տալ մկաններին լույսի ազդեցության ներքո:

Այդպիսով, ճկուն համակարգ է ստեղծվել, որում ռոբոտը, մկանները, նեյրոններն ու լույսի աղբյուրը փոխկապակցված են: Այդ համակարգը ռոբոտին ստիպում է շարժվել գիտնականների ցանկությամբ: Գիտնականները համակարգչային մոդելներ են օգտագործել՝ հասկանալու համար, թե ֆիզիկական ինչ բնութագրեր են ռոբոտին թույլ տալիս առավել արդյունավետ շարժվել:

Փորձագետների կածիքով՝ դա կենսահիբրիդային նեյրոմկանային տարրեր ստեղծելու ուղղությամբ առաջին քայլն էր: Դրանք կարելի է օգտագործել բազմաբջիջ կենդանի համակարգերի կառուցման համար, որոնք կարող են արձագանքել շրջակա միջավայի փոփոխություններին: Այդ մշակումների կիրառման ոլորտները բազմազան են՝ կենսաինժեներիա, բժշկություն, ինքնավերականգնվող նյութերի տեխնոլոգիաներ: 

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի