• Latest news

Կնոջ արյունը կապույտ գույն է ստացել ցավազրկող ընդունելուց հետո

20 սեպտեմբերի, 2019  09:31

Ռոդ Այլենդի 25-ամյա բնակչուհու արյունը կապույտ գույն է ստացել ատամնացավի դեմ դեղ ընդունելուց հետո:

Կինը բժիշկներին ասել է, որ օգտագործել է ատամնացավի դեմ տեղային ցավազրկող: Հաջորդ առավոտյան արթնանալով նա իրեն վատ է զգացել եւ դիմել է անհետաձգելի օգնության բաժանմունք: Կնոջ մաշկը եւ եղունգները կապտել էին: Բժիշկներն այս վիճակն անվանում են ցիանոտիկ՝ բժշկական տերմին, որը նշանակում է, որ մաշկն ու եղունգները երկնագույն են դառնում: Սա այն բանի հատկանշական օրինակն է, որ օրգանիզմը բավարար քանակությամբ թթվածին չի ստանում:

Անալիզները ցույց են տվել, որ նրա արյան մեջ թթվածինը նորմայից ցածր էր՝ 88 տոկոս էր (ինչը մոտ է 100 տոկոսին), չնայած ավելի բարձր էր, քան բժիշկներն էին սպասում՝ հաշվի առնելով նրա արտաքին տեսքը:

Նրա արյունը ձեռք էր բերել նաեւ մուգ կապույտ երանգ: Բժիշկները պարզել են, որ կնոջ մոտ առկա է մետհեմոգլոբինեմիա: Ախտորոշումը բժիշկներին դրդել է կնոջ արյան մեջ թթվածինն ավելի ճշգրիտ չափելուն, ինչը ցույց է տվել, որ այն իրականում շատ ավելի ցածր էր՝ 67 տոկոս էր: Այս մակարդակում կարող է տեղի ունենալ հյուսվածքների վնասվածք:

Մետհեմոգլոբինեմիան առաջանում է, երբ մարդու արյան մեջ երկաթը ձեւը փոխում է, ինչի հետեւանքով այլեւս չի կարողանում կապվել թթվածնին եւ այն օրգանիզմով տեղափոխել: Սա նշանակում է, որ եթե մարդն անգամ շնչառական խնդիրներ չունի, միեւնույն է՝ սկսում է շնչահեղձ լինել:

Կինն օգտագործել է առանց դեղատոմսի վաճառվող դեղ, որը պարունակել է բենզոկաին: Նա բժշկին հավաստիացրել է, թե ամբողջ սրվակը չի գործածել, բայց ակնհայտ էր, որ այդպես չէ:

Մետհեմոգլոբինեմիան դեղերի միջոցով հեշտ է բուժվում, որոնք կոչվում են մեթիլենային կապույտ: Կնոջը կատարել են դեղամիջոցի ներերակային ներարկում, եւ մի քանի րոպե անց նա իրեն լավ է զգացել: Այդուհանդերձ, նրան տվել են երկրորդ դեղաչափը եւ հսկելու համար գիշերը պահել հիվանդանոցում, իսկ հաջորդ առավոտյան տուն են ուղարկել՝ ատամնաբույժին այցելելու ուղեգրով:

Չնայած կինն այս դեպքում շատ բենզոկաին էր գործածել, հետազոտողները մինչեւ հիմա ստույգ չգիտեն, թե ինչու են որոշակի ցավազրկողները նման արդյունք ունենում (բեզոկաինը միակ դեղամիջոցը չէ, որ առաջացնում է մետհեմոգլոբինեմիա): Այն կարող է առաջանալ ցածր կամ բարձր դեղաչափերի դեպքում, նույնիսկ եթե մարդը նախկինում այդ դեղամիջոցներն ընդունել է եւ որեւէ ռեակցիա չի առաջացել:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել անպտուղ զույգերին օգնելու համար:
2500 դրամ
5000 դրամ
10 000 դրամից ավելի
Ոչ մի