• Latest news

Վնասակա՞ր է արդյոք ամեն օր թարթիչների սեւաներկ օգտագործելը

20 սեպտեմբերի, 2019  17:14

Միլիոնավոր կանայք ամեն օր թարթիչներին սեւաներկ են քսում՝ ցանկանալով հայացքն ավելի տպավորիչ դարձնել։ Բրիտանացի բժիշկները նրանց համար վատ նորություններ ունեն. սեւաներկը կարող է վտանգավոր լինել աչքերի համար։

Մաշկաբան Ալեքսիս Գրենիթի խոսքով՝ սեւաներկի մշտական օգտագործումը կարող է հանգեցնել աչքերի բորբոքման եւ թարթիչների թափվելուն։ Ամենավտանգավորը, փորձագետի խոսքով, ներկված աչքերով քնելն է. դա վնասակար է ծակոտիների համար եւ կարող է հանգեցնել դրանց փակման ու աչքերի մաշկի շուրջ բորբոքման, որն իր հերթին կհանգեցնի թարթիչների կորստի։

Ակնաբույժների բրիտանական ասոցիացիայի ներկայացուցիչ Չերի Սմիթ-Ջեյնսն իր հերթին ավելացրել է, որ որոշ սեւաներկեր հյուսվածքային կազմ ունեն, եւ դրանց ամենօրյա օգտագործումը կարող է բորբոքել  արցունքաթաղանթը, որը պաշտպանում է աչքերը։ Այս խախտման հետեւանք են դառնում արցունքահեղուկի արագ գոլորշացումը, այսպես կոչված չոր աչքի ախտանիշի առաջացումը, բորբոքումները։

«Առհասարակ, աչքերի համար ցանկացած կոսմետիկա կարող է մի քանի րոպեում աչքեր թափանցել։ Եթե դուք սեւաներկով սրվակի մեջ ավելացնում եք ջուր կամ թքում եք դրա մեջ, կամ էլ եթե օգտվում եք նույն խոզանակից, ինչ եւ մյուսները, աչքերի բորբոքում ստանալու ձեր հնարավորություններն էապես ավելանում են»,- ասել է փորձագետը։

Սեւաներկի նույն սրվակից օգտվել, փորձագետների խոսքով, կարելի է երեք ամսից ոչ ավելի. 90 օր կիրառումից հետո սեւաներկի մեջ թափանցում է ցավագին բակտերիաների բավական քանակություն ձեռքերից կամ մաշկի մակերեսից, ինչն էլ կարող է բորբոքել աչքը։

Մասնագետները նաեւ խորհուրդ են տալիս երբեմն հրաժարվել սեւաներկի օգտագործումից եւ թողնել, որ աչքերը հանգստանան գոնե շաբաթը մի քանի օր։ Բացի այդ, նրանք հիշեցնում են, որ չի կարելի աչքերին սեւաներկ քսել մեքենայի կամ գնացքի շարժվելու ժամանակ։

Հետևեք NEWS.am Medicine-ին Facebook-ում և Twitter-ում


  • Այս թեմայով
  • Ինչպե՞ս է քնի պակասն ազդում արտաքինի վրա Արեցոլոյի խոսքով՝ քնի պակասի առաջին նախանշանները կապտուկներն ու աչքերի տակ պարկերն են, որոնք առաջանում են, երբ քնի պակասի հետեւանքով չորացած մաշկը պահում է ջուրը խոնավեցում ապահովելու համար․․․
  • Ի՞նչ կարելի է ուտել քնից առաջ՝ վնաս չհասցնելով առողջությանը Թռչնամիսն օգտակար է, քանի որ պարունակում է տրիպտոֆան՝ ամինաթթու, որն օգնում է արտադրել մելատոնին՝ քունը կարգավորող։ Այդ պատճառով թույլատրելի է նաեւ ուտել փոքր քանակությամբ այդպիսի միս քնից առաջ․․․
  • Ինչ տեղի կունենա սրտի հետ՝ հաճախ էներգետիկներ խմելու դեպքում Այս միացությունները մեծացնում են ուշադրության կենտրոնացումը եւ բարձրացնում են աշխատունակությունը: Սակայն, միաժամանակ, դրանք նյարդային համակարգի արագ հյուծման եւ սրտի աշխատանքի խաթարման պատճառ են դառնում․․․
  • Ինչ կարող է պատմել լեզուն մարդու առողջական վիճակի մասին Լեզվի կարմրությունը եւս մեկ ախտանիշ է, որին պետք է ուշադրություն դարձնել: Լեզուն կարող է կարմրել սթրեսի կամ այնպիսի տարրերի պակասի պատճառով, ինչպիսիք են ֆոլաթթուն, վիտամին B12-ը․․․
  • Ինչ դիրքերով է վտանգավոր քնել Լյու Չունը նաեւ խորհուրդ չի տալիս քնել փորի վրա, քանի որ այս դիրքում տեղի է ունենում պարանոցի ողերի տեղաշարժ, եւ մկանները մնում են լարված: Սա ժամանակի հետ կարող է հանգեցնել պարանոցի սպոնդիլեզի զարգացման եւ գոտկատեղի ցավերի․․․
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ