• Latest news

Գիտնականները հայտնաբերել են ճարպակալումը կասեցնող մոլեկուլը

21 սեպտեմբերի, 2019  18:59

Գիտնականներին վաղուց է հայտնի, որ ոչ առողջ սնունդը եւ ֆիզիկական ակտիվության պակասը ճարպակալում են առաջացնում: Միաժամանակ այնքան էլ լավ ուսումնասիրված չեն ավելորդ քաշ հավաքելուն բերող մոլեկուլյար մեխանիզմները: Այս ոլորտում նոր հայտնագործությունը կատարել են Տեխասի համալսարանի հետազոտողները, փոխանցում է HighTech+-ը՝ վկայակոչելով New Atlas-ին:

Խումբն ուսումնասիրել է միկրոՌՆԹ-ի՝ ոչ մեծ չկոդավորվող մոլեկուլների հատկությունները, որոնք կարգավորում են գեների էքսպրեսիան: Հետազոտողների հատուկ ուշադրությունն է գրավել miR-26 միկրոՌՆԹ-ն, որը մասնակցում է ուռուցքների աճի ճնշմանը, ազդում է ինսուլինի հանդեպ զգայունության վրա եւ հնարավոր է՝ կառավարում է սպիտակ ճարպային հյուսվածքի կուտակումը:

Սովորաբար միկրոՌՆԹ-ն «խլացնում» են այս կամ այն գեները, ուստի գիտնականները գեներ էին որոնում, որոնք ավելի ակտիվ են արտահայտվում miR-26-ի բացակայությամբ: Սա թույլ է տվել հայտնաբերել դրա թիրախը՝ FBXL19 գենը: Պարզվել է, որ այն ուղղակիորեն ազդում է ճարպային բջիջների ձեւավորման վրա:

Երբ FBXL19-ի աշխատանքն արգելափակել են, ճարպային բջիջների կազմավորումը կտրուկ դանդաղել է: Հակառակը՝ այս գենի էքսպրեսիայի մակարդակի մեծացումը խթանել է ճարպային բջիջների աճը:

Այնուհետեւ CRISPR տեխնոլոգիայի միջոցով մկների ԴՆԹ-ից հեռացրել են երեք գեներ, որոնք կապված են miR-26-ի արտադրման հետ: Կրծողներն առաջին փուլում նորմալ են զարգացել, սակայն հասուն տարիքի հասնելով՝ նրանց օրգանիզմում սպիտակ ճարպային հյուսվածքի քանակությունը նորման գերազանցել է 2-3 անգամ:

Իսկ miR-26-ի ահեստականորեն մեծացված էքսպրեսիայով մկները, հակառակը, ճարպի կուտակումից պաշտպանված էին: Երբ փորձի ժամանակ այսպիսի առանձնյակներին կերակրել են յուղոտ սնունդով, նրանք պահպանել են առողջ կազմվածքը եւ արյան մեջ շաքարի ցածր մակարդակը: Նույն սննդակարգը ստուգիչ խմբի նրանց ցեղակիցների օրգանիզմում ճարպի պարունակությունը մեծացրել է 40 տոկոսով:

miR-26-ի էքսպրեսիայի մեծացումից ոչ մի կողմնակի էֆեկտ չի հայտնաբերվել: Հնարավոր է, որ մի օր այս միկրոՌՆԹ-ն օգտագործվի մարդկանց ճարպակալումը բուժելու համար: Սակայն miR-26-ի հիմքով լիարժեք թերապիա մշակելու համար անհրաժեշտ է ավելի ճշգրիտ հասկանալ FBXL19 թիրախ-գենի աշխատանքը եւ դրա դերակատարումը ճարպի կուտակման մեջ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է