• Latest news

Մարդկանց մեծ մասը չգիտի, որ միգրենով է տառապում

21 սեպտեմբերի, 2019  20:38

Միգրենը կարելի է արդյունավետ կերպով կառավարել: Ըստ հետազոտողների, սակայն, պացիենտները չեն ճանաչում ախտանշանները, ինչի պատճառով սխալ բուժում են ստանում, հայտնում է Medical Press-ը:

Հոգեբանության հետազոտական դպրոցի բժիշկ Սթեֆանի Գուդհյուն ասում է, որ կատարված հետազոտությունն ընդգծում է հանրային առողջապահության քարոզարշավի անցկացման անհրաժեշտությունը հանրույթներին միգրենի բուժման մեթոդների եւ առանձնահատկությունների որոշման մասին տեղեկացնելու համար:

«Միգրենն ավելին է, քան գլխացավը: Սա անհավանականորեն հաշմող հիվանդություն է, որը նույնքան անհավանականորեն տարածված է՝ բնակչության մոտ 15 տոկոսը տառապում է միգրենով,- նշել է նա: - Յուրահատկությունն այն է, որ նյարդաբանական վիճակների շարքում միգրենը ամենաչախտորոշված կամ սխալ ախտորոշված վիճակներից է: Մարդկանցից շատերի մոտ առկա է միգրեն, բայց նրանք դրա գոյությունը չեն գիտակցում: Մարդիկ մտածում են, որ գլխացավը խնդիր չէ, իսկ միգրենը սոսկ գլխացավ չէ: Դա շատ ավելի ուժգին ցավ է, որը կարող է ուժասպառ անել»:

Հետազոտությունը ցույց է տվել, որ միգրենով տառապող յուրաքանչյուր հինգերորդ մարդը տեղյակ չէր կանխարգելող դեղամիջոցների մասին, ներառյալ բոտոքսը, որոնց կարող է հասանելիություն ունենալ: Հետազոտությունը նաեւ ցույց է տվել, որ յուրաքանչյուր հինգերորդ մարդը չգիտեր հզոր դեղամիջոցներով բուժվելու հետ կապված վտանգներից ոչ մեկի մասին, որոնք հաճախ օգտագործվում են այս հիվանդության բուժման համար:

«Հզոր դեղերը կարող են կարճաժամկետ հեռանկարում ցավը զգալիորեն մեղմել, սակայն դրանք օգտագործելիս այլ ռիսկեր էլ կան»,- ասում է Գուդհյուն:

Նրա խոսքով՝ պրակտիկ բժիշկների խնդիրն այն է, որ չկա ընդհանուր կենսաբանական մարկեր, որը ցույց կտար միգրենը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է