Ֆրանսիացի հետազոտողները ստեղծում են աշխարհում ամենահզոր մագնիսառեզոնանսային տոմոգրաֆիայի սքաները

 Ֆրանսիացի հետազոտողները ստեղծում են աշխարհում ամենահզոր մագնիսառեզոնանսային տոմոգրաֆիայի (ՄՌՏ) սքաները, որը կօգտագործի կապույտ կետի քաշով սուպերմագնիս եւ թույլ կտա կատարել այնպիսի հիվանդությունների վաղ ախտորոշում, ինչպիսին է Պարկինսոնի հիվանդությունը։

«Մենք կարող ենք հայտնաբերել հիվանդությունը վաղ փուլերում, եւ, հետեւաբար, ավելի ճշգրիտ վերահսկել այն»,- Reuters-ին ասել է  նախագծի գիտական ղեկավար Նիկոլաս Բոուլանթը։

ՄՌՏ-ն թույլ կտա բժիշկներին տեսնել, թե ուղեղի որ հատվածներն են ախտահարվել։ Տեխնոլոգիան օգտագործում է ուժեղ մագնիսային դաշտեր եւ ռադիոալիքներ մանրամասն պատկերներ ստանալու համար։

Սքաները, որ ստեղծում են ֆրանսիացի հետազոտողները Iseult նախագծի շրջանակում, ներառում է նոր սուպերմագնիս՝ ցիլինդրի ձեւով, որը շատ ավելի ծանր է արդեն օգտագործվողից։

Սուպերմագնիսն ունի 5 մետր երկարություն եւ 5 մետր տրամագիծ, քաշը 130 մետրիկական տոննա է՝ կապույտ կետի քաշին։

Հետազոտողները հավաստիացնում են, որ սարքավորումը թույլ կտա ստանալ ուղեղի պատկերներ հարյուր անգամ ավելի մանրամասն, քան ներկա ՄՌՏ-ները։ Սարքը դեռեւս մշակման փուլում է, եւ ակնկալվում է, որ կթողարկվի 2020 թվականի վերջին կամ 2021-ի սկզբին։

Iseult նախագիծը գիտնականներին նաեւ թույլ կտա «ավելի լավ հասկանալ ուղեղը եւ թե ինչպես է այն աշխատում, ուսումնասիրել բնութագրերը, որոնք առանձնահատուկ են մարդկային ցեղի համար»,- ավելացրել է Բոուլանթը։

Հետևեք NEWS.am Medicine-ին Facebook-ում և Twitter-ում