• Latest news

5 պատճառ, թե ինչու ձեզ չի հաջողվում դադարել ուտել

29 սեպտեմբերի, 2019  11:49

Հինգ հավանական պատճառ, որոնց հետեւանքով դուք չեք կարողանում դադարել ուտել, եթե անգամ շատ եք ցանկանում

Սերիալներ

Դե, առնվազն այն դեպքում, եթե դուք դիտում եք դրանք կլանված կերպով: Համամիտ ենք, երբեմն սերիալների նկատմամբ սերն այնքան մեծ է, որ մի քանի օրվա ընթացքում ամբողջ սեզոնը դիտելու ցանկությունը չավազանց գրավիչ է թվում: Սակայն միեւնույն ժամանակ հիշեք, որ հեռուստացույցի կամ համակարգչի (անգամ հեռախոսի) մոտ դրված ուտելիքը նպաստում է շատակերությանը, քանի որ էկրանին տեղի ունեցածով կլանված մեր ուղեղը կորցնում է հագենալու գործընթացը կառավարելու ունակությունը: Բացի այդ, ֆիլմերում եւ սերիալներում հետաքրքրաշարժ պահերը հագեցնում են ադրենալինի արտանետման, որը կարող է խթանել քաղցը, հաղորդում է «Մեդվեստի»-ն:

Անյուղ յոգուրտ

Չնայած փորձագետները շարունակում են բարձրաձայնել, որ «անյուղ» չի նշանակում «առողջ»՝ իրականում անյուղ մթերքը (ոչ միայն կաթնամթերքը) շարունակում է ընկալվել որպես ավելի օգտակար: Սակայն բանն այն է, որ այդ մթերքներում սովորաբար բավարար չէ ոչ միայն յուղը, այլ նաեւ սպիտակուցը, մինչդեռ ռաֆինացված ածխաջրեր դրանցում, որպես կանոն, ավելի շատ են, քան հարկավոր է: Այդ իսկ պատճառով պատրաստ եղեք, որ դուք կունենաք քաղցի զգացում սնվելուց ընդամենը կես ժամ անց:

Հիշեցում հեռախոսի միջոցով

Հատկապես եթե դուք չեք անջատում այն գիշերվա ժամերին: Այո, եթե անգամ խոսքը վերաբերում է վիբրացիային ձայնի փոխարեն: Դուք կարող եք չնկատել դա, սակայն անգամ ամենաաննշան աղմուկն ունակ է ազդել ձեր քնի որակի վրա: Իսկ անգամ ամենափոքր խանգարումը, իր հերթին, կարող է հանգեցնել բացասական հետեւանքների՝ ներառյալ սնվելու սովորությունների եւ նյութափոխանակության ֆունկցիայի խանգարմանը:

Նախաճաշին փաթիլներ

Ուշադրություն դարձրեք, թե ինչ եք օգտագործում նախաճաշին: Եթե դա եգիպտացորենի փաթիլներ են մեղրով եւ ընկուզեղենով կամ գրանոլայով, ապա հենց դրանցում կարող են լինել խնդիրներ: Արյան մեջ շաքարի ավելացումը, որն անպայման տեղի կունենա, եթե մենք խոսում ենք օրվա ընթացքում սննդի առաջին ընդունման մասին, կստիպի ձեզ ավելի քաղցած զգալ, անգամ եթե դուք քիչ առաջ եք սնվել: Անհրաժեշտ է ուշադրություն դարձնել սպիտակուցների ու ամբողջական հացահատիկների օգտագործմանը:

Մաստակ

Երբեւէ նկատե՞լ եք, որ ստամոքսը սկսում է քաղցած ձայներ արձակել, երբ դուք մաստակ եք ծամում: Ամեն ինչ տրամաբանական է. ցանկացած մթերք ծամելը նպաստում է թքարտադրությանը, որն ազդանշան է ուղարկում նյութափոխանակության համակարգին այն մասին, որ պետք է պատրաստվել սննդի ընդունմանը: Սակայն պարզ է, որ օրգանիզմը սնունդ չի ստանում, ինչի մասին էլ ձեզ հայտնում է վրդովված ստամոքսը: Դիետոլոգներն ասում են, որ մաստակը կարող է խթանել ախորժակը, այնպես որ արժե այն ծամել նախ սնվելուց հետո, եւ դեռ ավելին, առավելագույնը 15 րոպե տեւողությամբ:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է