• Latest news

Սոխի եւ սխտորի գործածումը կարող է նվազեցնել կրծքագեղձի քաղցկեղով հիվանդանալու հավանականությունը

30 սեպտեմբերի, 2019  09:43

Սոխի եւ սխտորի պարբերական գործածումը՝ ինչպես թարմ, այնպես էլ ճաշատեսակների բաղադրության մեջ կապված է կրծքագեղձի քաղցկեղով հիվանդանալու ավելի ցածր հավանականության հետ: Այսպիսի եզրակացության են եկել ԱՄՆ եւ Պուերտո Ռիկոյի գիտնականները, հայտնում է Nutrition and Cancer-ը:

Հետազոտությանը մասնակցել է 30-ից մինչեւ 79 տարեկան ավելի քան 600 կին: Բժիշկները նրանցից 47 տոկոսի մոտ քաղցկեղ են ախտորոշել: Գիտնականները հատուկ հարցաշարի միջոցով պարզել են, թե փորձի մասնակիցների սննդակարգում որքան հաճախ է հանդիպում սոխն ու սխտորը:

Պարզվել է՝ նրանց շրջանում, ովքեր սնունդի մեջ այս մթերքները, ինչպես նաեւ դրանց հիմքով պատրաստված սոֆրիտո սոուսը օրական մեկ անգամից ավելի են գործածել, կրծքագեղձի քաղցկեղի ի հայտ գալու հավանականությունը 67 տոկոսով ցածր է: Այս հետազոտությունը, սակայն, ցույց է տալիս միայն վիճակագրական կապը: Հետազոտության հեղինակները չեն պարզել, թե սոխն ու սխտորը կոնկրետ ինչ կերպ կարող են ազդել կրծքագեղձի քաղցկեղի զարգացման վրա եւ ընդհանրապես ազդում են արդյոք:

Կարծիք կա, որ դրանց բաղադրության մեջ առկա քիմիական միացությունների շնորհիվ սոխն ու սխտորը օժտված են հակաքաղցկեղածին հատկություններով: Կարիբյան կղզում այս բանջարեղենային մշակաբույսերը լայնորեն տարածված են եւ ավելի հաճախ են ուտում, քան Եվրոպայում եւ Միացյալ Նահանգներում: Սոխն ու սխտորը մտնում են լոբազգիների եւ բրնձի վրա հիմնված տեղական շատ ճաշատեսակների եւ սոուսների բաղադրության մեջ, այդ թվում՝ հանրահայտ սոֆրիտոյի:

Կրծքագեղձի քաղցկեղը կանանց շրջանում առավել տարածված ուռուցքային հիվանդություն է: Առողջապահության համաշխարհային կազմակերպության տվյալներով՝ ամեն տարի այն ախտորոշվում է 2 միլիոնից ավելի մարդու մոտ:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է