• Latest news

Ալկոհոլի չափավոր գործածումը դեմենցիա չի առաջացնում. հետազոտություն

4 հոկտեմբերի, 2019  17:57

Հարվարդի համալսարանի հանրային առողջապահության դպրոցի գիտնականները պարզել են, որ տարեցները, որոնք ամեն օր գործածում են 1-ից մինչեւ 2 բաժակ ալկոհոլ, կոգնիտիվ խանգարումների (ծերունական դեմենցիայի) զարգացման նույնպիսի հավանականություն ունեն, ինչպիսին ունեն նրանց այն տարեկիցները, որոնք հազվադեպ են ալկոհոլ գործածում, հայտնում է «Ամերիկայի ձայնը»:

Փորձի ընթացքում հետազոտել են 72 տարեկան եւ անց ավելի քան 3 հազար մարդու: Նրանցից մեծ մասի մոտ առաջին փուլում տկարամտության ախտանշաններ չեն դիտվել: Ընդ որում՝ 473 մարդու մոտ արդեն առկա էին թեթեւ ձեւի կոգնիտիվ խանգարումներ: Վեց տարի հետո դեմենցիա է զարգացել այդ պահին մնացած փորձի մասնակիցներից 512-ի մոտ, այդ թվում՝ Ալցհեյմերի հիվանդության 348 դեպք: Հետազոտության մասնակիցներին բաժանել են մի քանի խմբերի՝ ընդհանրապես ալկոհոլ չգործածողների (ընդհանուր թվի 43 տոկոսը), նրանց, ովքեր շաբաթական ալկոհոլի մեկ չափաբաժնից պակաս են խմում (15 տոկոս), ովքեր շաբաթական խմում են 1-ից մինչեւ 7 չափաբաժին (23 տոկոս), 7,1-ից մինչեւ 14 (9 տոկոս) եւ շաբաթական 14 չափաբաժնից ավելի (հետազոտության մասնակիցների 10 տոկոսը):

Պարզվել է, որ օրական 1-2 բաժակ գինի խմող տարեցները նույնպիսի ցուցանիշներ են ունեցել, ինչ իրենց տարեկիցները, որոնք ոգելից բացարձակապես չեն գործածել: Գիտնականների խոսքով, սակայն, վերջինները նույնպես եղել են հնարավոր դեմենցիայի մեծ ռիսկի գոտում:

Իսկ նրանց շրջանում, ովքեր խմել են ալկոհոլի 14 չափաբաժնից ավելի, ծերունական տկարամտության զարգացման հավանականությունը 3,5 անգամ մեծացել է՝ նրանց համեմատությամբ, ովքեր խմել են մեկ չափաբաժնից պակաս:

Ընդ որում՝ հետազոտության հեղինակները պնդում են, որ իրենց հետազոտած պացիենտներից յուրաքանչյուրի դեպքը անհատական է եւ տարեցներին խորհուրդ են տվել իրենց տարիքում թույլատրելի ալկոհոլի չափաբաժինների վերաբերյալ խորհրդակցել բուժող բժիշկների հետ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել