• Latest news

Մինչեւ 40 տարեկանը ճարպակալումը մեծացնում է քաղցկեղի մի քանի տեսակների զարգացման ռիսկը

15 հոկտեմբերի, 2019  19:54

Բերգենի համալսարանի գիտնականները պարզել են, որ մինչեւ 40 տարեկանը ավելորդ քաշն ու ճարպակալումը մեծացնում են քաղցկեղի մի քանի տեսակների զարգացման ռիսկը: Հետազոտության արդյունքները հրապարակվել են International Journal of Epidemiology-ում: 

Ստացված տվյալների համաձայն՝ ավելորդ քաշ եւ ճարպակալում ունեցող մարդկանց մոտ մեծ է կրծքագեղձի քաղցկեղի, էնդոմետրիալ քաղցկեղի, երիկամաբջջային քաղցկեղի եւ հետմենոպաուզայի շրջանում հաստ աղիքի քաղցկեղի զարգացման ռիսկը:

Նման եզրակացության գալու համար գիտնականները վերլուծել են 221 274 մարդու առողջական վիճակի մասին տվյալները, որոնք ստացվել են 1972-2014 թվականների ընթացքում անցկացված հետազոտությունների արդյունքում: Այդ ընթացքում քաղցկեղ է ախտորոշվել 27 881 մարդու մոտ, ընդ որում, 9761 դեպքերում հիվանդության առաջացումն ու զարգացումը կապ է ունեցել հենց ճարպակալման հետ:   

Հետազոտությունները ցույց են տվել, որ մինչեւ 40 տարեկանը ավելորդ քաշի առկայությունը մեծացնում է քաղցկեղի այնպիսի տեսակների առաջացման հավանականությունը, ինչպիսիք են՝

  • էնդոմետրիալ քաղցկեղ (70%);
  • երիկամների քաղցկեղ, տղամարդկանց մոտ (58%);
  • հաստ աղիքի քաղցկեղ, տղամարդկանց մոտ (29%);
  • ճարպակալման հետ կապված քաղցկեղային բոլոր հիվանդությունները, երկու սեռերի մոտ (15%):

Առաջին եւ երկրորդ բժշկական հետազոտությունների ժամանակ ճարպակալում ունեցող մասնակիցների մոտ մեծ է եղել ավելորդ քաշի առկայության հետ կապված քաղցկեղի զարգացման ռիսկը՝ ի տարբերություն այն մասնակիցների, որոնք նորմալ մարմնի զանգվածի ինդեքս են ունեցել: Տղամարդկանց մոտ այդ ռիսկը մեծացել է 64%-ով, կանանց մոտ՝ 48%-ով: 

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի