• Latest news

Փորձարարական դեղամիջոցը կօգնի ազատվել էկզեմայից

29 հոկտեմբերի, 2019  16:43

Ինտերլեյկին 33 սպիտակուցը իմունային համակարգի կարեւոր բաղադրիչ է: Այն յուրօրինակ ազդանշան է, որը իմունային բջիջները գրավում է վարակի ներթափանցման վայր: Սակայն դրա չափից դուրս արտադրումը կապ ունի աուտոիմուն այնպիսի հիվանդությունների հետ, ինչպիսին են՝ էկզեմա, ասթմա եւ ալերգիա:

Հետազոտողների միջազգային թիմը 10 տարի է նվիրել միացության որոնմանը, որը կզսպի ինտերլեյկին 33-ի ակտիվությունը: Արդյունքում ստեղծվել է փորձարարական դեղամիջոց՝ էտոկիմաբ, հաղորդում է Hightech+-ը:

Կլինիկական փորձարկումների վաղ փուլում էտոկիմաբը փորձարկել են 12 պացիենտի վրա, որոնք ունեցել են միջին եւ ծանր աստիճանի ատոպիկ մաշկաբորբ:

Բոլոր մասնակիցներին դեղամիջոցի ներերակային մեկանգամյա ներարկումից 4 շաբաթ անց նկատվել է առնվազն 50 տոկոսով ախտանիշների նվազեցում:

Էտոկիմաբի ընդունումից մի քանի օր անց հետազոտողները մասնակիցներին ներարկել են ենթամաշկային ալերգեն, որպեսզի ուսումնասիրեն բորբոքային արձագանքը: Փորձը ցույց է տվել, որ դեղամիջոցն իսկապես ճնշում է իմունային ակտիվությունը:

Այժմ ստացված արդյունքները պետք է հաստատվեն ավելի մասշտաբային եւ պլացեբո-վերահսկող հետազոտության ընթացքում: Բացի այդ, էտոկիմաբը փորձարկվում է որպես այլ աուտոիմուն հիվանդության՝ էոզինոֆիլային ասթմայի դեմ պայքարի միջոց:  

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է