• Latest news

Ալերգիայով տառապող երեխաները հետագայում ավելի հաճախ են սրտի խնդիրներ ունենում. հետազոտություն

6 նոյեմբերի, 2019  09:48

Ալերգիայով տառապող երեխաները հետագայում ավելի հաճախ են սրտի խնդիրներ ունենում: Այս մասին հայտնում են ԱՄՆ Հյուսիս-արեւմտյան համալսարանի գիտնականները: Նրանց տվյալներով՝ ալերգիայով տառապող երեխաները երկու անգամ ավելի հաճախ են սրտի խնդիրներ ունենում:

Վերլուծելով մինչեւ 17 տարեկան ավելի քան 13 000 երեխայի մասին տվյալներ, գիտնականները պարզել են, որ ասթմայով եւ խոտի տենդով տառապող երեխաների մոտ բարձր է եղել խոլեսթերինի մակարդակը: Բացի այդ, մեծացել է հիպերտոնիայի զարգացման ռիսկը: Դա կարող է սրտի ավելի լուրջ խնդիրների հանգեցնել, երբ երեխաները մեծանան:

«Ալերգիայով տառապող երեխաները հետագայում երկու անգամ ավելի հաճախ են սրտի խնդիրներ ունենում»,- նշել է հետազոտական խմբի ղեկավար Ջոնաթան Սիլվերբերգը:

Նրա խոսքով՝ ստացված տվյալները հիմք են տալիս կարծելու, որ ասթման եւ խոտային տենդը մեծացնում են բորբոքման մակարդակը, ինչը բացասաբար է ազդում սրտանոթային համակարգի վրա: Գիտնականը նշել է, որ մանկաբույժները պետք է հաշվի առնեն ալերգիկ հիվանդություններով երեխաների մոտ սրտի հետ կապված խնդիրների առաջացման ռիսկը:  

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է