ԱՄՆ Ջոն Հոփկինսի համալսարանի գիտնականները ստեղծել են նոր եւ բավականին հեռանկարային հակաքաղցկեղային դեղամիջոց, որն արգելափակում է ուռուցքի աճի համար անհրաժեշտ գլուտամինի մետաբոլիզմը։
Ինչպես նշվում է MedicalXpress-ի մամուլի հաղորդագրությունում, JHU083 նյութը փոփոխում է չարորակ նորագոյացության միկրոշրջապատը՝ նրան ավելի խոցելի դարձնելով իմունային համակարգի համար։
Դեղամիջոցի ակտիվ ձեւը, ստանձնելով DON գլուտամինի անտագոնիստի դերը, կուտակվում է ուռուցքի բջիջներում։ Գլուտամինն, ինչպես հայտնի է, ակտիվացնում է մետաբոլիկ ուղիները, որոնք առաջացնում են նորագոյացության սրընթաց աճ։
JHU083-ը փորձարկել են հաստ աղիքի քաղցկեղի, լիմֆոմայի եւ մելանոմայի մկնային մոդելների վրա։ Պարզվել է, որ այն հանգեցնում է ուռուցքների աճի դանդաղեցման, ինչպես նաեւ հիվանդ մկների վերապրման բարելավմանը։ Որոշ մկների մոտ նկատվել է երկարատեւ բուժման գործընթաց՝ պայմանավորված իմունային պատասխանի ակտիվացմամբ։ Երբ կենդանիներին նորից ներարկվել են ուռուցքային բջիջներ առաջացել է օտարում, ինչը վկայում է հզոր իմունային հիշողության ձեւավորման մասին։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր