• Latest news

Տոֆու, ոսպ եւ առանց հավելումների յոգուրտ. Երեխայի սննդակարգում ինչպիսի՞ մթերքներ պետք է լինեն

12 նոյեմբերի, 2019  18:16

Երեխայի առողջության եւ զարգացման համար անչափ կարեւոր է ճիշտ սնվելը: Որոշ մթերքներ, ինչպես քաղցրեղենը եւ գազավորված ըմպելիքները, առողջական խնդիրներ են առաջացնում դեռեւս ամենավաղ տարիքից: Բայց կան նաեւ մթերքներ, որոնք օգնում են պահպանել երեխայի առողջությունը:

Դիետոլոգ Մարիա Մերինոն (Իսպանիա) 5 մթերք է նշել, որոնք պետք է լինեն յուրաքանչյուր երեխայի ամենօրյա սննդակարգում:

Տոֆու

Տոֆուի մեջ մեծ է երկաթի, ցինկի եւ սպիտակուցի պարունակությունը. այս բոլոր նուտրիենտները երեխայի զարգացման համար անչափ կարեւոր են: Դիետոլոգը խորհուրդ է տալիս տոֆուն երեխայի սննդակարգի մեջ ներառել մեկ տարեկանից հետո՝ աստիճանաբար: Քանի որ տոֆուն թույլ համ ունի, այն կարելի է քաղցրացնել, աղի դարձնել՝ երեխայի ճաշակով:

Ոսպ

Ոսպը հարուստ է երկաթով, ֆոլաթթվով, ցինկով եւ մանգանով: Իհարկե, մյուս ընդեղենները նույնպես օգտակար են երեխաներին, բայց, դիետոլոգի խոսքով, ոսպը մեկ առավելություն ունի՝ այն երկար թրջելու կարիք չունի եւ ավելի հեշտ է եփվում, քան մյուս ընդեղենները:

Հյուսիսային ծովերի ձուկ

Ցանկացած կարմիր ձուկ, ծովատառեխ, սարդինա պարունակում են անփոխարինելի օմեգա-3 թթուներ, ուստի այս մթերքները խորհուրդ են տալիս ավելացնել երեխայի սննդակարգի մեջ: Դիետոլոգի խոսքով՝ ձկից կարելի խյուս պատրաստել եւ այն խառնել  բանջարեղենի խյուսի հետ: Կարելի է նաեւ ձուկը եփել ջեռոցում:

Առանց հավելումների յոգուրտ

Հունական յոգուրտում շատ սպիտակուց կա, ինչպես նաեւ աղիների միկրոֆլորայի համար օգտակար բակտերիաներ եւ կալցիում: Սակայն կարեւոր է երեխաներին տալ հենց հունական յոգուրտ՝ առանց հավելումների, որ երեխան չսովորի քաղցր համին:

Ընկույզի պաստա

Ընկույզները մեծ քանակությամբ կարեւոր վիտամիններ եւ միկրոտարրեր են պարունակում, հետեւաբար դրանք պետք է լինեն երեխայի սննդակարգի պարտադիր մասը: Ընկույզի պաստան պետք է տալ աստիճանաբար եւ միայն այն բանից հետո, երբ երեխան սկսել է ուտել մրգային, հատիկային եւ բանջարեղենային հավելումներ:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է