• Latest news

Պարզվել է, որ քթի վրայի փոքրիկ կետը քաղցկեղային ուռուցք էր

15 նոյեմբերի, 2019  14:26

Անգլիական Պիտերբորո քաղաքից (Քեմբրիջշիր կոմսություն) 37-ամյա Մենդի Փոլարդի քթի վրա ոչ մեծ կետ էր առաջացել, որը, ինչպես ավելի ուշ է պարզվել, քաղցկեղային ուռուցք էր:

The Mirror պարբերականը հայտնում է, որ Մենդին 2017 թվականին քթի վրա ոչ մեծ նշան է նկատել, բայց դրա վրա ուշադրություն չի դարձրել: Նա բժշկի ավելի ուշ է դիմել, երբ նորագոյացությունն ավելի նկատելի է դարձել եւ երեկոյան սկսել է արնահոսել:

Նա կարծում էր, թե իրեն որեւէ քսուք կտան, բայց վիրաբույժը, ի զարմանս պացիենտի, հայտնել է, որ նա մաշկի փոխպատվաստման կարիք ունի, այլապես 5-10 տարի հետո քթից կզրկվի: Բանն այն է, որ քթի վրայի կետն իրականում քաղցկեղային ուռուցք էր:

Վիրաբույժները վիրահատության ժամանակ կտրել են պացիենտի քթի մի մասը եւ անցքը փակել դեմքի մաշկով: Հիմա Մենդին սպասում է, թե երբ պարզ կլինի՝ արդյոք վիրահատությունը հաջող է ընթացել, այլապես նա կարող է կորցնել քթի մեծ մասը:

Մենդին որոշել է իր պատմության մասին հայտնել, որ մեծացնի հանրության տեղեկացվածությունը արեւի տակ մնալու վտանգավորության մասին: Նա ընդգծել է, որ երջանիկ կլինի, եթե գոնե մեկ դեռահաս տեղեկանա իր պատմությանը եւ մտածի ուլտրամանուշակագույն ճառագայթներից իր մաշկը պաշտպանելու մասին:

Լուսանկարը՝ Mandy Pollard-ի Facebook-յան էջի

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է