• Latest news

Ինչպե՞ս կանխել ժամանակից շուտ կնճիռների առաջացումը. մաշկաբանի խորհուրդներ

18 նոյեմբերի, 2019  18:40

Որպեսզի մաշկը պահպանի երիտասարդությունը, անհրաժեշտ է հետեւել մի քանի պարզ կանոնների՝ չծխել, լինել ֆիզիկապես ակտիվ եւ մաշկը խոնավեցնել քսուքների օգնությամբ ու կանոնավորապես բավականաչափ ջուր խմելու միջոցով։ NEWS.am Medicine-ի թղթակցի հետ զրույցում այսպիսի կարծիք է հայտնել մաշկաբան Կարեն Հովսեփյանը։

Մասնագետի խոսքով՝ վերջին տարիներին ժամանակակից բժշկությունը ավելի մեծ ուշադրություն է նվիրում ջրի կարեւորությանն օրգանիզմի համար. ավելի մեծ թվով հետազոտություններ են հաստատում, որ եթե չկան հակացուցումներ (օրինակ՝ սրտի որոշ խնդիրներ), անհրաժեշտ է բավականաչափ ջուր խմել օրվա ընթացքում։

Ջուրը, մասնագետի խոսքով, իսկապես օգնում է խոնավեցնել մաշկը «ներսից», իսկ խոնավեցնող քսուքները (որոնք ցանկալի է ընտրել ըստ մաշկի տեսակի)՝ դրսից։ Լավ խոնավեցված մաշկը ավելի դանդաղ է կորցնում ձգությունը տարիքի հետ եւ ավելի երկար է պահպանում երիտասարդությունը։

«Օրվա ընթացքում շատ կարեւոր է բավականաչափ ջուր խմել, դա մաքրում է ե՛ւ օրգանիզմը, ե՛ւ օգնում է ազատվել ավելորդ քաշից, ե՛ւ նպաստում է մաշկի խոնավեցմանը, ե՛ւ կանխում է ժամանակից շուտ կնճիռների առաջացումը»,- ասաց մաշկաբանը։

Նրա խոսքով՝ դեմքին կնճիռների առաջացումը, իհարկե, հիմնականում կախված է գենետիկայից եւ կլիմայական պայմաններից, բայց եւ կենսակերպը նույնպես մեծ դեր է խաղում. վնասակար սովորություններն արագացնում են մաշկի ծերացումը եւ կնճիռների գոյացումը, իսկ առողջ ապրելակերպը, ընդհակառակը, դանդաղեցնում է այդ գործընթացները եւ օգնում պահպանել մաշկը երիտասարդ ու գեղեցիկ։

«Եթե մարդը չի ծխում, կանոնավորապես ջուր է խմում, օգտվում է խոնավեցնող քսուքներից, նա միանշանակ դանդաղ կծերանա, ե՛ւ մաշկը, ե՛ւ ամբողջ օրգանիզմը, ե՛ւ սիրտ-անոթային համակարգը, ե՛ւ անգամ ուղեղը»,- ասաց մասնագետը։

Հետևեք NEWS.am Medicine-ին Facebook-ում և Twitter-ում


  • Այս թեմայով
  • Ինչ տեղի կունենա սրտի հետ՝ հաճախ էներգետիկներ խմելու դեպքում Այս միացությունները մեծացնում են ուշադրության կենտրոնացումը եւ բարձրացնում են աշխատունակությունը: Սակայն, միաժամանակ, դրանք նյարդային համակարգի արագ հյուծման եւ սրտի աշխատանքի խաթարման պատճառ են դառնում․․․
  • Ինչ կարող է պատմել լեզուն մարդու առողջական վիճակի մասին Լեզվի կարմրությունը եւս մեկ ախտանիշ է, որին պետք է ուշադրություն դարձնել: Լեզուն կարող է կարմրել սթրեսի կամ այնպիսի տարրերի պակասի պատճառով, ինչպիսիք են ֆոլաթթուն, վիտամին B12-ը․․․
  • Ինչ դիրքերով է վտանգավոր քնել Լյու Չունը նաեւ խորհուրդ չի տալիս քնել փորի վրա, քանի որ այս դիրքում տեղի է ունենում պարանոցի ողերի տեղաշարժ, եւ մկանները մնում են լարված: Սա ժամանակի հետ կարող է հանգեցնել պարանոցի սպոնդիլեզի զարգացման եւ գոտկատեղի ցավերի․․․
  • Ո՞ր նախաճաշը կօգնի նիհարել Բջջանյութով հարուստ մթերքն ապահովում է հագեցվածության երկարատեւ զգացում, ինչը թույլ է տալիս կրկին չմտածել ուտելիքի մասին նախաճաշից երկար ժամանակ անց, չօգտագործել լրացուցիչ սնունդ ընդհուպ մինչեւ ճաշը․․․
  • Երբ, ինչպես և ինչ դիմակ կրել կորոնավիրուսից պաշտպանվելու համար Բժշկական դիմակը (նաև՝ վիրաբուժական դիմակ) բաղկացած է երեք շերտից, միջինը՝ ֆիլտրող, ունի նաև ալյումինե ճկուն լար՝ քթի ձևին համապատասխան դեմքին հարմարեցնելու համար: Ֆիլտրող շերտը պաշտպանում է վիրուսներով և մանրէներով կաթիլներ շնչելուց․․․
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։