• Latest news

Վեգան ծնողների 1,5 տարեկան որդին մահացել է հյուծվելուց․ նրան միայն հում մրգերով եւ բանջարեղենով են կերակրել

19 նոյեմբերի, 2019  20:05

Ամերիկյան Ֆլորիդա նահանգում ձերբակալել են վեգան ծնողների, որոնք սովի են մատնել իրենց 1,5 տարեկան երեխային։

New York Post-ը հայտնում է, որ 2019թ․ սեպտեմբերի վերջին 35-ամյա Շեյլա Օ՛Լիրին զանգահարել է արտակարգ ծառայություններին եւ հայտնել, որ իր որդին չի շնչում եւ նրա մաշկը շատ սառն է։ Նրա ամուսին Ռայանը փորձել է վերակենդանացնել երեխային, սակայն ապարդյուն։ Դեպքի վայր ժամանած փրկարարներն արձանագրել են երեխայի մահը։

Շեյլան փրկարարներին պատմել է, որ իրենց ընտանիքը վեգանական խիստ դիետա է պահել՝ բոլոր չորս երեխաները կերել են միայն հում բանջարեղեն եւ մրգեր։ Նա նաեւ պատմել է, որ վերջին շաբաթը մահացած երեխան հրաժարվել է սննդից եւ միայն կրծքի կաթ է կերել։ Մորը թվացել է, թե դա կապված է ատամներ հանելու հետ։ Մասնագետները, սակայն արձանագրել են, որ երեխան հյուծված է եղել՝ նրա քաշն ընդամենը 7,7 կգ է եղել, որը 7 ամսական երեխայի միջին քաշ է, սակայն ոչ 1,5 տարեկանի։

Նոյեմբերի 6-ին բժշկական փորձաքննությունը հաստատել է, որ երեխան մահացել է հյուծվելու պատճառով։ Այդ զույգի մյուս երկու երեխաների մոտ նույնպես կիսաքաղցության ախտանշաններ են գտել, նրանցից մեկի մի քանի ատամները բացակայել են։ Ամենաառողջը եղել է երրորդ երեխան՝ ուրիշ հորից, նա պարբերաբար հյուրընկալվել է իր հոր տանը եւ այնտեղ լիարժեք սնվել է։

Ծնողներին երեխայի հանդեպ պարտավորությունները չկատարելու եւ չկանխամտածված սպանության մեղադրանքներ են առաջադրվել։ Զույգին կալանավորել են, դատը նշանակված է դեկտեմբերի սկզբին։

Լուսանկարը՝ Lee County Sheriff's Office-ի

 

 

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է