• Latest news

Որքա՞ն հաճախ պետք է լվանալ սավանը

21 նոյեմբերի, 2019  14:35

Նույնիսկ եթե մարդն իրեն մաքրասեր է համարում, նրա անկողնում մաշկի մահացած բջիջներ, ճարպ, քրտինք եւ փոշու տիզ է մնում: Այս պատճառով անկողնու սպիտակեղենը պետք է լվանալ հաճախ, առավել եւս, որ մարդը չի կարող ադեկվատ գնահատել սեփական մարմնի հոտերն ու ի վիճակի չէ գնահատելու սեփական անկողնու թարմությունը հոտառության միջոցով՝ պնդում է հիգիենիստ Լաուրա Հուդմանը:

Մասնագետի խոսքով՝ ոչ թարմ սպիտակեղենը ժամանակի ընթացքում կարող է առողջական տարբեր խնդիրների հանգեցնել՝ գրգռված մաշկ, բշտիկներ, փոշու տիզերի նկատմամբ ալերգիկ ռեակցիաներ եւ այլն:

Որքա՞ն հաճախ պետք է լվանալ սավանը: Մասնագետների խորհուրդները հրապարակել է Prevention ամսագիրը:

«Որպես կանոն՝ սավանը փոխել եւ լվանալ պետք է ամեն 1-2 շաբաթը մեկ: Սակայն եթե դուք կամ ձեր կողակիցը ուժեղ քրտնարտադրություն եք ունենում, զբաղվում եք սեքսով, սովորոթյուն ունեք մերկ վիճակում քնել կամ անկողինը կիսում եք ընտանի կենդանիների հետ, սպիտակեղենն ավելի արագ է կեղտոտվում: Այդ դեպքում պետք է այն փոխել շաբաթական մեկ-երկու անգամ»,- ասել է Հուդմանը:

Մասնագետը հավելել է, որ դեմքին բշտիկների հայտնվելու դեպքում հակտապես պետք է ուշադրություն դարձնել բարձերեսին եւ այն փոխել շաբաթական 2-3 անգամ:

Իսկ ի՞նչ կլինի, եթե սավանն այդքան հաճախ չլվանաք:

Նյու Յորքի Մաունթ Սինայ բժշկական կենտրոնի կոսմետոլոգիական եւ կլինիկական հետազոտությունների տնօրեն, բժիշկ Ջոշուա Ցայհները պնդում է, որ ամեն ժամ մարդու մարմինը կորցնում է մոտ 200 մլն մաշկի մահացած բջիջ: Այդ բջիջները մնում են անկողնում: Եթե սավանը հաճախ չփոխեք եւ չլավանաք, ապա դա կարող է ալերգիկ ախտանիշների առաջացման պատճառ դառնալ՝ փռշտոց, հարբուխ, խռխռոց, դժվար շնչառություն:

Բացի այդ, սավանը կլանում է քրտինքը, կոսմետիկ միջոցները, թեփը:

«Քանի որ այդ բոլոր նյութերը քնի ժամանակ կպչում են մաշկին, կարող է խնդիրների մի ամբողջ շարք առաջանալ՝ մաշկի գրգռվածությունից մինչեւ բշտիկներ եւ ինֆեկցիաներ: Եթե դուք չոր կամ զգայուն մաշկ ունեք, էկզեմա կամ վարդագույն կորյակներ, ապա ամենից շատ եք ենթարկվում ռիսկին, քանի որ ձեր մաշկի բարիերն արդեն թուլացած է»,- զգուշացրել է փորձագետը:  

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է