Գիտնականները մանկական լեյկոզի դեմ պայքարի նոր մեթոդ են առաջարկել

Ցյուրիխի համալսարանի եւ դրան կից Մանկական հոսպիտալի գիտնականները դժվար բուժվող մանկական լեյկոզի բուժման նոր մոտեցումներ են առաջարկել։ Նոր հետազոտության արդյունքները ներկայացվել են Cancer Cell ամսագրում։

Սուր լիմֆոբլաստային լեյկոզը արյան քաղցկեղի տեսակ է, որը ավելի հաճախ երեխաների եւ երիտասարդների մոտ է լինում։ Այս հիվանդությունը հաճախ ծայրահեղ կայունություն է ցուցաբերում բուժման հանդեպ՝ ինտենսիվ քիմիաթերապիան կամ ցողունային բջիջների փոխպատվաստումը անարդյունավետ են լինում։

Քաղցկեղի այս տեսակի դեմ պայքարի նոր մեթոդների որոնմանը նվիրված հետազոտության ընթացքում, գիտնականները՝ Ժան Պիեռ Բորկինի եւ Բիթ Բորհաուզերի գլխավորությամբ, մանրամասն ուսումնասիրել են այս հիվանդության մոլեկուլյար պատճառները, վերլուծել են TCF3-HLF անվանումով սպիտակուցը, որը սովորաբար կապված է լեյկոզի հետ։ Անալիզները ցույց են տվել, որ այն ծնվում է երկու քրոմոսոմների միահյուսման հաշվին եւ պարունակում է տրանսկրիպցիայի գործոններ անվանումով տարրեր, որոնք ակտիվացնում են որոշակի գեները։ Այս սպիտակուցը նպաստում է լեյկոզ առաջացնող արյան չարորակ սպիտակ բջիջների ձեւավորմանը։

Ընդ որում, այն միայնակ չի գործում՝ TCF3-HLF-ին հաջողվում է հավաքել հարյուրից ավել այլ սպիտակուցներ, որոնք օգնում են նրան ակտիվացնել գեները։

Գեների CRISPR/Cas9 սրբագրիչների օգնությամբ գիտնականներին հաջողվել է հայտնաբերել 11 կրիտիկական գործոն, որոնք անհրաժեշտ են արյան ոչ նորմալ բջիջների կուտակման համար։ EP300 սպիտակուց անվանումով այդ բաղադրիչներից մեկը, որն ուժեղացնում է գեների ակտիվացումը, ընտրվել է որպես թերապիայի շատ խոստումնալից մեթոդ։

Հետևեք NEWS.am Medicine-ին Facebook-ում և Twitter-ում