Ոտնաթաթերին եւ ափերին չոր կոշտուկները եւ կոշտացած մաշկը կարող են ցույց տալ կերակրափողի քաղցկեղի հանդեպ մարդու նախահակվածությունը, զգուշացնում են Queen Mary University of London-ի աշխատակիցները:
Նրանք ուսումնասիրել են iRHOM2 գենի վարքագծի առանձնահատկությունները, որի հետ կապում են կերակրափողի քաղցկեղի ժառանգական տեսակների զարգացումը: Այս գենը պատասխանատու է նաեւ օրգանիզմում կերատինի արտադրման համար՝ սպիտակուցային նյութ, որից կազմված են մաշկի էպիդերմիսի եղջերային ածանցյալները: Գիտնականները նշել են, որ մկների արուների մոտ, որոնք աչքի են ընկնում թաթերի չափից ավելի բարակ մաշկով, iRHOM2 գենը ոչ ակտիվ վիճակում է եղել:
Հետազոտողները կապ են նկատել այս գենի ակտիվության եւ վերջույթների մաշկի վիճակի միջեւ: Եթե մաշկը չափից ավելի կոշտ է, սա կարող է այն բանի ախտանշան լինել, որ չարաբաստիկ iRHOM2 գենը դրսեւորում է չափազանց մեծ ակտիվություն, ինչը կապված է կերակրափողի քաղցկեղի զարգացման մեծ հավանականության հետ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր