Սիրտ-անոթային հիվանդությունների 11 վաղ նշաններ

Փորի եւ վերջույթների ցավերը, չափից շատ քրտնելը, ուռած կոճերը սիրտ-անոթային հիվանդությունների մի քանի քիչ հայտնի ախտանշաններ են: Բրիտանական սրտաբանական ֆոնդից պրոֆեսոր Դեւիդ Նյուբին ներկայացրել անոթների եւ սրտի հիվանդությունների վաղ նշանները:

Կրծքի ցավ

Կրծքի նեղություն տվող ցավը, կրքծի վրա ճնշող բեռի զգացորղությունը ախտանշաններ են, որոնք, մասնագետի խոսով, չարժե անտեսել:

Ինքնազգացողության կտրուկ վատթարացում

Կրծքի ուժգին ցավը, նույնիսկ նստած կամ պառկած դիրքում վատ ինքնազգացողությունը շտապ օգնություն կանչելու պատճառ են, կարծում է պրոֆեսորը:

Փորացավ

Սիրտը, կերակրափողը եւ ստամոքսը կողք կողքի են տեղադրված, ուստի երբեմն բավականին հեշտ է այս օրգաններից մեկի ցավը շփոթել մյուսների հետ: Երբեմն կարող է թվալ, որ փորն է ցավում՝ ինչպես թունավորման ժամանակ, բայց իրականում դա կարող է սրտի ցավ լինել: Ուստի այսպիսի ցավերը եւս չպետք է անտեսել:

Քրտնարտադրություն

Շոգի զգացողությունը, չափից շատ քրտնարտադրությունը՝ կրծքի ցավերի համադրությամբ շտապ օգնություն կանչելու եւս մեկ պատճառ են:

Ցավ ոտքերում

Եթե քայլելիս ձկնամկանի շրջանում ուժեղ ջղակծկում է առաջանում, հավանաբար, արժե բժշկի դիմել, քանի որ դա կարող է լինել ծայրամասային արտերիաների հիվանդության նշան, կարծում է Դեւիդ Նյուբին:

Թեւի ցավ

Եթե ցավը թեւով ներքեւ է իջնում, հատկապես ձախ կողմում, կամ դեպի վիզն է գնում, դա կարող է մատնացույց անել սրտի հետ կապված խնդիրները: Դրանք բացառելու համար, անհրաժեշտ է խորհրդակցել բժշկի հետ:

Ծնոտի կամ թիկունքի ցավ

Սրտի հիվանդությունների եւ սրտային նոպաների ժամանակ երբեմն առաջանում են ծնոտի կամ թիկունքի ցավեր:

Շնչահեղձության զգացողություն

Շնչահեղձության զգացողությունը կարող է ամենատարբեր հիվանդություններ ցույց տալ՝ սկսած վահանաձեւ գեղձից մինչեւ սրտի հիվանդություններ:

Ուռած կոճեր

Որոշ դեպքերում ուռած կոճերը կարող են ցույց տալ սրտային անբավարարությունը:

Չափից ավելի հոգնածություն

Հոգնածության մշտական զգացողությունը կարող է լինել սրտային անբավարարության, ինչպես նաեւ շատ այլ հիվանդությունների նշան: Եթե ձեզ մշտապես հոգնած եք զգում, նույնիսկ, երբ նոր եք անկողնուց ելել, բժշկի հետ խորհրդակցեք:

Սրտի անկանոն զարկեր

Եթե ձեր սրտի զարկերը ժամանակ առ ժամանակ դառնում են անչափ արագ եւ անկանոն, անհրաժեշտ է սրտաբանի հետ խորհրդակցել:

Հետևեք NEWS.am Medicine-ին Facebook-ում և Twitter-ում