• Latest news

1 դեպք միլիոնից. վթարից հետո տղամարդն իր մեջ նկարելու տաղանդ է հայտնաբերել (ֆոտո)

10 հունվարի, 2020  11:09

42-ամյա Սքոթ Մելեն Վիլմինգթոն փոքր քաղաքից (Հյուսիսային Կարոլինայի նահանգ), որը նախկինում մեքենաներ էր վաճառում, հանկարծ իր մեջ նկարելու տաղանդ է հայտնաբերել այն ժամանակ, երբ գիտակցության է եկել ծանր ՃՏՊ-ից հետո։ Նման բան պատահում է միլիոն մարդուց մեկի մոտ։

Ինչպես պատմում է The Daily Mail-ը, 2015 թվականին Սքոթը իր մեքենայով կանգնած էր խաչմերուկում, երբ ավելի քան 120 կիլոմետր/ժամ արագությամբ սլացող մեքենան հարվածել է իրեն։ Սքոթին ծանր վնասվածքներով տեղափոխել են հիվանդանոց, որտեղ նրա մոտ նաեւ ուղեղի վնասվածք են հայտնաբերել։ Պացիենտը գիտակցության է եկել 4 ամիս անց, բայց նրա մոտ առաջացել էին ծանր դեպրեսիա եւ խուճապային վիճակ։

Որոշ ժամանակ անց Սքոթն իր երեխաների հետ այցելել է գրենական պիտույքների խանութ, որտեղ վաճառվում էին նաեւ նկարչական ալբոմներ, ներկեր եւ մատիտներ։ Նա հանկարծ անհաղթահարելի պահանջ է զգացել վերցնել վրձինը կամ մատիտը եւ սկսել նկարել։ Իսկ երբ Սքոթը արել է այն, ինչ ցանկացել է, պարզվել է, որ նա կարող է նկարել բավական բարձրորակ նկարներ, թեեւ մինչեւ վթարը նկարչական ձիրք չի ունեցել։

Սքոթ Մելեն աշխարհում ընդամենը 33 մարդկանցից մեկն է, որոնց մոտ ախտորոշվել է ատիպիկ ձեռքբերովի սավանտի ախտանիշ։ Սովորաբար այդ ախտանիշը դրսեւորվում է աուտիզմ եւ գլխի վնասվածքներ ունեցող մարդկանց մոտ, երբ մի անգամ նրանք արթնանում են իրենց համար միանգամայն նոր ձիրքով օժտված՝ արվեստի, երաժշտության կամ մաթեմատիկայի բնագավառում։

Այժմ Սքոթը հաջողությամբ վաճառում է իր կտավները եւ բավական հեռանկարային նկարիչ է համարվում։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է