• Latest news

Անհավասարություն ամենուրեք. հարուստ մարդիկ ավելի երկար են առողջ ապրում, քան աղքատ մարդիկ

18 հունվարի, 2020  11:20

Հարուստ մարդկանց հաջողվում է պահպանել առողջությունն ու խուսափել հաշմանդամությունից միջինում 9 տարի ավելի երկար՝ ի տարբերություն աղքատների: Այս մասին ասվում է նոր հետազոտության մեջ, որը հրապարակվել է The Journals of Gerontology-ում:

«Չափելով առողջ կյանքի ակնկալվող տեւողությունը՝ մենք կարող ենք ստանալ առողջ կամ առանց հաշմանդամության անցկացված տարիների քանակի գնահատականը»,- ասել է հետազոտության հեղինակ Պաոլա Զանինոտտոն՝ Լոնդոնի համալսարանական քոլեջի հասարակական առողջապահության հարցով մասնագետը:

Զանինոտտոն եւ նրա գործընկերները վերլուծել են 50 տարեկանից բարձր 25 557 մարդու տվյալները: Պարզվել է, որ հարստությունը կարելի է անվանել ամենանշանակալի սոցիալ-տնտեսական գործոն առողջ կյանքի տեւողությունը կանխատեսելու համար:

Հետազոտության տվյալներով՝ ամենահարուստ 50-ամյա տղամարդիկ կարող են ակնկալել կյանքի եւս 31 տարի առանց տարիքային խախտումների, իսկ ավելի քիչ ապահովվածները՝ 22-23 տարի: Ինչ վերաբերում է կանանց, ապա նրանց համար ակնկալվող կյանքի տեւողությունը կազմում է 33 եւ 24 տարի համապատասխանաբար:    

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել