• Latest news

Ինչու որոշ մարդիկ չեն կարողանում դադարել շատ ուտել եւ նիհարել

18 հունվարի, 2020  20:51

Շատ գեր մարդիկ կայունություն ունեն լեպտին հորմոնի հանդեպ, հենց դա թույլ չի տալլիս նրանց դադարել շատ ուտել եւ նիհարել, ինչպես հաստատում է բժշկական գիտությունների թեկնածու Լիդիա Ֆեդոսովան (Ռուսաստան)։

Մասնագետի խոսքերով՝ հենց լեպտինի հանդեպ բջիջների անզգայունությունը թույլ չի տալիս հագեցածություն զգալ, նույնիսկ եթե մարդը բավարար քանակի կալորիա է ուտում։

Երբ առողջ մարդը սնունդ է օգտագործում, նրա օրգանիզմում բարձրանում է լեպտինի մակարդակը։ Այդ հորմոնը, որն արտադրվում է ճարպային հյուսվածքներում, «հրահանգ է տալիս» ախորժակին, կարգավորում էներգետիկ փոխանակությունը։ Նրա խնդիրը ուղեղին տեղեկացնելն է այն մասին, թե բավարար է արդյոք ստացած սնունդը օրգանիզմին անհրաժեշտ էներգիայի համար։ Լեպտինի մակարդակի բարձրացումը ահազանգում է ուղեղին այն մասին, որ ուտելիք այլեւս պետք չէ։ Այն բանից հետո, երբ մարդը դադարում է ուտել, լեպտինի մակարդակը սկսում է իջնել, տեղի է ունենում մետաբոլիզմի արագացում եւ սկսվում է սննդի յուրացում։

Սակայն որոշ մարդկանց օրգանիզմում ուղեղի ռեցեպտորները չեն արձագանքում ուտելուց հետո լեպտինի մակարդակի բարձրացմանը։ Դա մարդուն ստիպում է ուտել ավելի շատ, քան պետք է։

«Ստացվում է այնպիսի փակ շրջան, որը հանգեցնում է անընդհատ սովի զգացումի եւ շատակերության։ Շատ մարդիկ տառապում են լեպտինոկայունությունից՝ չկասկածելով այն մասին, որ իրենց անհրաժեշտ է լեպտինի որոշման անալիզ հանձնել եւ վերջապես լուծել խնդիրը»,- ասել է բժիշկը։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել