• Latest news

Տղամարդը սեպսիսը շփոթել է մրսածության հետ եւ իր 40-ամյակին զրկվել ոտքից

24 հունվարի, 2020  21:31

Անգլիայի Լանքաշիր կոմսության Բլեքփուլ քաղաքից Դեյվ Քրեմը սեպսիսը շփոթել է մրսածության հետ եւ արդյունքում զրկվել ձախ ոտքից:

Ինչպես հայտնում է Daily Star-ը, հունվարի 5-ին Դեյֆը ֆուտբոլ է խաղացել իր ընկերների հետ: Խաղից առաջ նա իրեն վատ է զգացել, սակայն մտածել է, որ դա սովորական մրսածություն է:

Խաղից հետո նրա մոտ ոտքի շրջանում սուր ցավեր են սկսվել, սակայն բժիշկը, ում նա դիմել է, որեւէ վատ բան չի կասկածել եւ միայն ցավազրկող է նշանակել:

Մեկ օր անց Դեյվին շտապ հոսպիտալացրել են, եւ միայն հիվանդանոցում են նրա մոտ սեպսիս ախտորոշել: Նրան արհեստական կոմայի մեջ են գցել եւ ուղարկել վիրահատարան: Վիրաբույժները բացել են նրա ձախ ոտքը: Արյան անալիզը ցույց է տվել, որ մրսածության ախտանիշներն իրականում եղել են A խմբի ստրեպտոկոկկային սեպսիսի նշաններ:

Բժիշկները վստահ չէին, որ նա կապրի, քանի որ սեպսիսը շատ արագ է տարածվում եւ կարող է սպանել 12 ժամում:

Մի քանի օր անց նրան դուրս են բերել արհեստական կոմայից, եւ նա այնքան թույլ է եղել, որ մեկ օրում սրտի 3 կանգ է եւ ներքին օրգանների կանգ է տարել:      

Բժիշկները փորձել են կտրել ոտքի վնասված հյուսվածքները, սակայն պարզվել է, որ վերջույթը շատ է վնասվել, եւ ոտքը ստիպված են եղել անդամահատել:

Հունվարի 16-ին՝ իր 40-ամյակի օրը, Դեյվը կյանքի համար վտանգավոր վիրահատության է ենթարկվել: Նա մինչ այժմ ծայրահեղ ծանր վիճակում է գտնվում եւ դեռ մի քանի ամիս պետք է մնա վերակենդանացման բաժանմունքում:

Դեյվի հարազատներն այդ պատմությունը պատմել են՝ ցանկանալով հասարակության ուշադրությունը գրավել սեպսիսի խնդրին: Նրանք պնդում են, որ եթե իմանային դրա վաղ նշանների մասին, ապա Քրեմին ոտքի հնարավոր կլիներ փրկել: Ընտանիքը նաեւ միջոցներ է հավաքում պրոթեզի համար: Նրանց հաջողվել է հավաքել 15 000 ֆունտ:  

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել