• Latest news

Վրաստանը եւ չինական կորոնավիրուսը. վիրուսի կասկածանք եւ կենդանիների ներկրման արգելք

28 հունվարի, 2020  18:40

2019-nCoV կորոնավիրուս են կասկածում 22-ամյա վրացուհու մոտ, որը Չինաստանից Վրաստան է վերադարձել հունվարի 16-ին: Ինչպես հայտնում են վրացական ԶԼՄ-ները, վերադառնալուց անմիջապես հոտ նրա մոտ սուր շնչառական վարակի նախանշաններ են հայտնաբերվել:

Նրա ջերմությունը բարձրացել է մինչեւ 37,5 աստիճան: Տեղի բժիշկները բուժում են նշանակել եւ անալիզներ վերցրել՝ պարզելու համար, թե արդյոք նրա մոտ կորոնավիրուս է: Վրաստանի Հիվանդությունների վերահսկման եւ հանրային առողջության ազգային կենտրոնի տվյալներով՝ աղջկա մոտ վիրուս չեն հայտնաբերել: Ամենայն հավանականությամբ, նրա մոտ սովորական ՍՇՎ է:

Նշենք, որ այս պահի դրությամբ Վրաստանում կորոնավիրուսի հաստատված դեպքեր չկան:

Վրաստանում կորոնավիրուսի ներթափանցումը կանխելու համար արգելել են Չինաստանից կենդանիների ներկրումը: Ինչպես հայտնել է Վրաստանի շրջակա միջավայրի եւ գյուղատնտեսության նախարարությունը, Չինաստանից Վրաստան են ներկրվել դեկորատիվ ձկներ եւ կրիաներ:

Ավելին, Վրաստանի տնտեսության եւ կայուն զարգացման նախարար Նատիա Տուրնավան հայտարարել է, որ Վրաստանը ստիպված է ժամանակավորապես դադարեցնել Չինաստանից չվերթները: Վրաստանի բոլոր օդանավակայաններում ստուգում են ուղեւորների ջերմությունը:

Այս պահի դրությամբ Վրաստանի 5 քաղաքացի է գտնվում Ուհան քաղաքում՝ վիրուսի բռնկման էպիկենտրոնում, եւ Վրաստանի կառավարությունը մտադիր է տարհանել նրանց, սակայն դեռ հայտնի չէ, թե ինչպես դա կարվի, քանի որ Չինաստանի իշխանությունները Հուբեյ նահանգը փակել են կարանտինի համար: 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է