• Latest news

Կույր տղամարդը սկսել է տեսնել մեքենայի տակ ընկնելուց հետո

3 փետրվարի, 2020  19:51

Լեհ տղամարդը սկսել է տեսնել մեքենայի տակ ընկնելուց հետո, հաղորդում է Mirror-ը՝ հղում անելով լեհական ԶԼՄ-ներին:

Յանուշ Գորայը կուրացել է 20 տարի առաջ, երբ ալերգիկ ռեակցիայի պատճառով նրա մոտ աջ աչքի ցանցաթաղանթի հետ կապված խնդիրներ են առաջացել: Նրա ձախ աչքը տարբերել է միայն ձեւերն ու լույսը:

Մի անգամ նա հետիոտնային անցումի վրա ընկել է մեքենայի տակ, որից հետո ազդրի վիրահատության է ենթարկվել: Վերականգնումից 2 շաբաթ անց նա հանկարծ սկսել է տեսնել: Բացի այդ, այդ կարճ ժամանակահատվածում ապաքինվել են վթարի հետեւանքով ստացված բոլոր վերքերը:

Բժիշկները չեն կարողացել բացատրել, թե ինչ է նրա հետ տեղի ունեցել եւ ինչու է նա սկսել տեսնել: Հնարավոր է, որ դրա վրա ազդել է դեղերի կողմնակի էֆեկտը: Ինքը՝ Յանուշը, կարծում է, որ տեսողությունը վերականգնվել է այն բանից հետո, երբ վթարի պահին նրա գլուխը դիպել է մեքենայի կապոտին, ապա՝ ասֆալտին:

Հիվանդանոցից դուրս գրվելուց հետո Յանուշը հրաժարվել է հետազոտություններից, սակայն այդ նույն հիվանդանոցում ընդունվել է աշխատանքի որպես պահակ: 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել