• Latest news

Ինչպե՞ս աչքերը պաշտպանել կորոնավիրուսից, եւ արդյո՞ք պետք է դա անել

8 փետրվարի, 2020  16:13

Ճիշտ կրելու դեպքում բժշկական դիմակները կարող են կանխել վիրուսների, այդ թվում 2019-nCoV կորոնավիրուսի ներթափանցումը քթի եւ բերանի խոռոչի մեջ: Սակայն վիրուսները կարող են մեր օրգանիզմ ներթափանցել նաեւ աչքերի միջոցով:

Նոր կորոնավիրուսը, ինչպես եւ շատ այլ վիրուսներ, տարածվում է օդակաթիլային ճանապարհով. հայտնվելով օդի մեջ, վիրուսը ներթափանցում է օրգանիզմ ցանկացած լորձաթաղանթի, ներառյալ աչքերի միջոցով: Հենց այդ պատճառով անհրաժեշտ է պաշտպանել նաեւ աչքերը հատուկ ակնոցի օգնությամբ:

Սակայն հարկ է նշել, որ աչքերի միջոցով վարակման հավանականությունը բավականին ցածր է այնպիսի երկրներում, ինչպիսին Հայաստանն է, որտեղ կորոնավիրուսի տարածման ռիսկը գնահատվում է ցածր: Այդ պատճառով իմաստ չկա ամեն օր հատուկ ակնոց կրել:

Express.co.uk-ի հետ զրույցում բժիշկ Ռիչարդ Դավուդը նշել է, որ հատուկ ակնոցն անհրաժեշտ է բուժաշխատողներին, սակայն մնացած բնակչությանը դրանք պետք չեն:

Ավելի վաղ աչքերի միջոցով կորոնավիրուսի տարածման մասին խոսել է Չինաստանի առաջատար բժիշկներից մեկը՝ Վանգ Գուանգֆան: Նա 2013 թվականին SARS-ի բռնկման ժամանակ վարակվել է այդ վիրուսով: Նրա խոսքով՝ վարակման պատճառ է դարձել այն, որ վարակված պացիենտների հետ աշխատանքի ժամանակ չի պաշտպանել իր աչքերը, եւ վիրուսը ներթափանցել է աչքերի միջոցով: 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է