• Latest news

Կինը վտանգավոր ինֆեկցիա է ձեռք բերել տուփերը բացելիս եւ կարող էր ձեռքից զրկվել (ֆոտո)

14 փետրվարի, 2020  12:56

Ամերիկյան Հավայի նահանգից 46-ամյա Հիզեր Հարբոթլը վտանգավոր ինֆեկցիա է ձեռք բերել կտրվածքից, որը ստացել էր տեղափոխվելիս տուփերը բացելիս: Նա ինֆեկցիայի պատճառով կարող էր ձեռքից զրկվել:

The Mirror պարբերականը հայտնում է, որ 2017 թվականի դեկտեմբերին Հիզերը նոր տուն է տեղափոխվել եւ իրերով տուփերը բացելիս պատահաբար մատը կտրել է թղթով: Հաջորդ օրը նրա ձեռքը սաստիկ ցավում էր, իսկ ճկույթը բորբոքվել էր եւ ուռչել:

Երբ նա բժշկի է դիմել, նրան հոսպիտալացրել են, քանի որ պարզվել է, որ վարակվել է ստաֆիլոկոկային բակտերիալ ինֆեկցիայով, որի հետեւանքով սեպսիս էր զարգացել: Նրա մոտ ախտորոշել են նեկրոտիկ ֆասցիիտ՝ բակտերիալ ինֆեկցիա, որը հյուսվածքների մեռուկացում է առաջացնում:

Նախապես կանխատեսումները մխիթարական չէին՝ ձեռքի անդամահատումից մինչեւ մահվան ելք: Նրան երկար են բուժել, ձեռքը մշակել ամեն 3 օրը մեկ եւ հեռացրել ախտահարված հյուսվածքները:

Նրան պետք է դնեին մաշկի տրանսպլանտատ, բայց ինֆեկցիան տարածվել էր նախաբազուկ, եւ նրա վիճակը վատթարացել էր: Այդ ժամանակ ստիպված էին Հիզերին ուղղաթիռով տեղափոխել ուրիշ հիվանդանոց, որտեղ նախաբազկի եւ ճկույթի վրա վիրահատություն է կատարվել, վերջինի վրա էլ կտրվածքը եղել էր:

Հիզերը 2018 թվականի հունվարին ենթարկվել է փոխպատվաստման միջամտության. նրա ազդրի մաշկի մի մասը պատվաստել են ձեռքին:

Հիզերը հիմա զբաղվում է աշխատանքային թերապիայով՝ ձեռքի շարժողական ունակությունը վերականգնելու համար: Նա ձգտում է նաեւ մեծացնել նեկրոտիկ ֆասցիիտի մասին հանրության իրազեկվածությունը:

Լուսանկարը՝ MDWfeatures / Heather Harbottle

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է