• Latest news

Ի՞նչ է պրոլակտինոման եւ ի՞նչպես է այն վնասում սեքսուալ ֆունկցիան

19 փետրվարի, 2020  20:45

Պրոլակտինոման հիպոֆիզի բարորակ ուռուցք է, որը տեղակայված է գլխուղեղի հիմային հատվածում եւ կարող է առաջացնել մի ամբողջ շարք ախտանիշներ՝ տեսողության խնդիրներից մինչեւ սեռական ֆունկցիայի խանգարումներ։

Ինչպես NEWS.am Medicine-ի հետ զրույցում նշեց Հայ-ամերիկյան առողջության կենտրոնի սեքսոպաթոլոգ Սեւադա Հակոբյանը, հիպոֆիզը արտադրում է մի շարք կարևոր հորմոններ, որոնք պատասխանատու են աճի, նյութափոխանակության, արյան ճնշման եւ վերարտադրողական (ռեպրոդուկտիվ) ֆուկցիայի համար: Կանանց օրգանիզմում պրոլակտին հորմոնը նպաստում է կրծքի կաթի արտադրմանը, իսկ տղամարդկանց մոտ նրա դերը լիարժեք բացահայտված չէ:

Պրոլակտինոման, մասնագետի խոսքով, բերում է արյան մեջ պրոլակտինի մակարդակի շեշտակի բարձրացման, ինչը հանգեցնում է կանացի եւ տղամարդու սեռական հորմոնների՝ էստրոգենների եւ տեստոստերոնի նվազման: Սա առաջ է բերում կանանց դաշտանային ցիկլի խանգարում, երբեմն՝ կաթնարտադրություն։ Պացիենտների մոտ նաեւ նվազում է սեռական ցանկությունը, արձանագրվում է հեշտոցի խոնավացման (լյուբրիկացիայի) իջեցում, իսկ տղամարդկանց մոտ ՝ սեռական ցանկության նվազում , էրեկցիայի խանգարում, հնարավոր է նաև կրծքագեղձերի մեծացում (գինեկոմաստիա):

Մյուս նշաններից են գլխացավերը և տեսողական խնդիրները, քանի որ ուռուցքը կարող է ճնշել տեսողական նյարդը:

 «Եթե առկա են վերոնշյալ սիմպտոմներից որոշները կամ բոլորը, դրանք են՝ սեռական ցանկության նվազում, էրեկցիայի խանգարում, լյուբրիկացիայի անբավարարություն, հաճախակի գլխացավեր, տեսողական խնդիրներ, ապա խորհուրդ է տրվում խորհրդակցել բժշկի հետ եւ արյան մեջ ստուգել պրոլակտինի մակարդակը։ Եթե անհրաժեշտություն լինի՝ նաեւ կատարել մագնիսա-ռեզոնանսային կամ համակարգչային շերտագրություն՝ ուռուցքը հայտնաբերելու համար», - նշեց Սեւադա Հակոբյանը։

Հիմնական դեպքերում պրոլակտինոման բուժվում է դեղորայքային մեթոդով, հազվադեպ է անհրաժեշտ լինում վիրահատություն կան ռադիացիոն թերապիա: Մասնագետի խոսքով՝ բուժումը հիմնականում լինում է արդյունավետ և վերականգնվում են սեքսոլոգիական խանգարումները:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է