• Latest news

Ինչո՞ւ եւ ինչպե՞ս են կորոնավիրուսով վարակվում մարդիկ, որոնք երբեք չեն շփվել այլ վարակվածների հետ 

21 փետրվարի, 2020  14:29

Երբեմն կորոնավիրուս է հայտնաբերվում մարդկանց մոտ, որոնք երբեք չեն շփվել այլ վարակվածների հետ եւ երբեք չեն եղել Չինաստանում: Ինչպե՞ս են նրանք վարակվում: Ռուս գիտնականները մի քանի հիպոթեզ են առաջ քաշել, հաղորդում է «Իզվեստիա» թերթը:

Չինաստանում երբեք չի եղել եւ երբեք չի շփվել վարակվածների հետ, օրինակ, 61-ամյա հարավկորեուհին Տեգու քաղաքից: Դեռ հայտնի չէ, թե ինչպես է նա վարակվել, սակայն նա արդեն վարակել է առնվազն 39 մարդու:

Մասնագետների խոսքով՝ վարակման աղբյուր կարող են լինել պացիենտները, որոնք վարակվել են Չինաստանում կամ այլ պացիենտներից, սակայն չեն հիվանդացել, այլ մնացել են, այսպես ասած, վիրուսի առանց ախտանիշային կրողներ: Շրջապատի համար նրանք վարակիչ են, սակայն նրանց մոտ վիրուսը որեւէ կերպ չի արտահայտվում:

Պաթոգենի տարածումը կանխելու գլխավոր միջոցը՝ օդանավակայաններում սքրինինգը, գիտնականներն անարդյունավետ են համարում: Խնդիրն այն է, որ վարակվածների կեսից ավելիին չի հաջողվել հայտնաբերել օդանավակայաններում, քանի որ հիվանդությունն ունի երկար ինկուբացիոն շրջան. 2-3 շաբաթվա ընթացքում մարդու մոտ կարող է որեւէ ախտանիշ չլինել: Բացի այդ, բացառված չէ, որ կարող են լինել թաքնված կրողներ:

Մասնագետները հիշեցնում են, որ մարդիկ ծանոթ են կորոնավիրուսներին 1965 թվականից: Կորոնավիրուսների հենց տարբեր շտամմները կազմում են վիրուսների մոտ 10 տոկոսը, որոնք առաջացնում են սեզոնային ՍՇՎ-ներ: Բացի այդ, բնակչության 80 տոկոսի մոտ կան հակամարմիններ կորոնավիրուսների այլ շտամմների նկատմամբ:

Գիտնականների հիպոթեզի համաձայն՝ չի կարելի բացառել, որ որոշ մարդկանց մոտ, որոնք չեն մեկնել Չինաստան եւ իսկապես չեն շփվել վարակվածների հետ, իրականում ոչ թե COVID-19 է, այլ մեկ այլ շտամմ, որին սխալմամբ արձագանքել է լաբորատոր թեստը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է