Չինական Սիչուան նահանգում COVID-2019 կորոնավիրուսով նորից վարակվելու դեպք է գրանցվել: Տղամարդը, որն ապաքինվել եւ դուրս էր գրվել հիվանդանոցից, կրկիին վարակվել է:
Ինչպես հայտնում է «Բեյցզին ցիննյանբաո» պարբերականը, այժմ հիվանդը, որի անունը չի նշվում, գտնվում է Չենդու հիվանդանոցում: Ինչպես նշել է հիգիենայի եւ առողջության տեղական հանձնաժողովի ներկայացուցիչը, առայժմ հայտնի չէ` վարակվել են արդյոք նրա ընտանիքի անդամները, թե ոչ:
Հրապարակման համաձայն` հիվանդի երկրորդ վարակման մասին հայտնի է դարձել փետրվարի 19-ին: Մինչ այդ նա մեկուսացման մեջ էր, նրան բուժում էին մեկ այլ հիվանդանոցում` հին ստանդարտներին համապատասխան:
Կարելի է ենթադրել, որ այն մարդկանց մոտ, ովքեր բուժվել են կորոնավիրուսից, այս հիվանդության նկատմամբ իմունիտետ չի ձեւավորվում: Սակայն ավելի շատ տվյալներ են պետք` դրանում համոզվելու համար: Կրկնվող վարակման այլ դեպքերի մասին առայժմ տեղեկություն չկա:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր