Հայաստանում կորոնավիրուսի դեպքեր չեն եղել: Այս մասին այսօր լրագրողների հետ զրույցում ասաց ՀՀ ԱՆ հիվանդությունների վերահսկման եւ կանխարգելման ազգային կենտրոնի գլխավոր տնօրեն Արտավազդ Վանյանը:
Նրա խոսքով՝ լուրերն այն մասին, թե, իբր, Մեղրիում մի մարդու մոտ կորոնավիրուս են հայտնաբերել, չեն համապատասխանում իրականությանը: Իսկ իրականում այլ երկրներից ժամանած ավելի քան 2000 քաղաքացի այժմ գտնվում է մանսագետների հսկողության տակ: Վերջին շրջանում 83 մարդ է հոսպիտալացվել, բոլոր պացիենտերն անհրաժեշտ հետազոտություններ են անցել, եւ ոչ ոքի մոտ կորոնավիրուս չի հայտնաբերվել:
Վանյանը նշեց, որ եթե Հայաստանում կորոնավիրուսի դեպք գրանցվի, ապա դրա մասին բնակչությունը կտեղեկանա, որպեսզի ավելի զգույշ լինի:
Մասնագետի խոսքով՝ Հայաստանն այսօր պատրաստ է դիմակայել կորոնավիրուսին: Բացի այդ, մասնագետներն այժմ գնահատում են երկրի բուժկենտրոնների հագեցվածությունն ու դրանց պատրաստվածությունը բռնկմանը: Հարցին, եթե հանկարծ պացիենտների կտրուկ ավելացում լինի, արդյոք կհաղթահարեն հոսքը, Վանյանը պատասխանեց, որ եթե մասնագետները խնդիրներ կամ թերություններ հայտնաբերեն այս կամ այն հիվանդանոցում, ապա դրանք կփորձեն վերացնել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր