Չինաստան մեկնած ԱՀԿ մասնագետները պատմել են կորոնավիրուսի ուսումնասիրության արդյունքների մասին

Տարիքային բոլոր կատեգորիաները հակված են COVID-2019 կորոնավիրուսով վարակվելուն: Նման եզրակացության է եկել ԱՀԿ փորձագետների միջազգային թիմը:

Այս մասին հայտարարել է ՉԺՀ առողջապահության հարցերով պետական կոմիտեի COVID-2019 արձագանքման հարցերով փորձագիտական հանձնաժողովի ղեկավար Լյան Վանյանը:

25 չինացի եւ արտասահմանցի փորձագետների կազմված ԱՀԿ միջազգային թիմը եղել է Պեկինում, Գուանդունում, Սիչուանում, ինչպես նաեւ Ուհանում՝ վիրուսի բռնկման էպիկենտրոնում:

«Նոր տիպի կորոնավիրուսը հիվանդության նոր տեսակի հարուցիչ է, այդ պատճառով տարիքային ոչ մի խումբ իմունիտետ չունի նոր տիպի կորոնավիրուսի նկատմամբ, բոլորը հեշտությամբ կարող են վարակվել»,- ասել է Վանյանը:

Ըստ ուսումնասիրության արդյունքների՝ վարակվածների միջին տարիքը 51 է, 30-69 տարեկան մարդիկ կազմում են վարակվածների ընդհանուր թվի 77,80 տոկոսը, դեպքերի 77,5 տոկոսը գրանցվել է Հուբեյ նահանգում:

Փորձագետները նաեւ պարզել են, որ վարակվածների հետ շփված մարդկանց 1-5 տոկոսի մոտ կորոնավիրուսի ախտորոշման անալիզները դրական են եղել: 

Հետևեք NEWS.am Medicine-ին Facebook-ում և Twitter-ում