• Latest news

25-ամյա կինը կուրացել է աչքերի սպիտակուցները ներկելու փորձից հետո (ֆոտո)

28 փետրվարի, 2020  13:30

Լեհաստանի Վրոցլավ քաղաքից 25-ամյա Ալեքսանդրա Սադովսկան մեկ աչքից կուրացել է աչքերի սպիտակուցները ներկելու անհաջող միջամտությունից հետո:

Daily Mail պարբերականը հայտնում է, դա տեղի է ունեցել 4 տարի առաջ: Այդ ժամանակ Ալեքսանդրան որոշել է աչքերի սպիտակուցները սեւ ներկել: Նրան ոգեշնչել էր լեհ հանրահայտ ռեփեր Պոպեկի (Popek) օրինակը, որն աչքերի սպիտակուցները ներկել էր 2012 թվականին:

Կինը դիմել է վրոցլավացի դաջվածք անողի, որը, ինչպես ավելի ուշ է պարզվել, նախկինում երբեք նման միջամտություններ չի արել: Անհրաժեշտ գիտելիքներ չունենալով՝ նա հատուկ պիգմենտի փոխարեն, նրա ակնախնձորների մեջ է ցողել դաջվածքի սովորական ներկ: Երբ աղջիկը գանգատվել է ցավից, դաջվածք անողը նրան ուղղակի խորհուրդ է տվել ցավազրկող ընդունել:

Միջամտության պատճառով Ալեքսանդրայի աջ աչքը կուրացել է, իսկ ձախը սկսել է վատ տեսնել: Բժիշկների կարծիքով՝ աչքերի սպիտակուցները ներկելու անհաջող միջամտությունը վնասել է նրա տեսողությունը, եւ ապագայում Ալեքսանդրային ամբողջական կուրություն է սպասում:

Դաջվածք անողին սպառնում է մինչեւ 3 տարի ժամկետով բանտարկություն՝ ոչ դիտավորյալ մարմնական ծանր վնասվածքներ պատճառելու մեղադրանքով: Նա իրեն մեղավոր չի ճանաչում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել