• Latest news

Սննդակարգում աղի քանակությունը նվազեցումն արյան ճնշումն իսկապես իջեցնում է. հետազոտություն

3 մարտի, 2020  21:45

Սննդակարգում աղի քանակության նվազեցումն օգտակար է բոլոր մարդկանց եւ հատկապես նրանց, ում մոտ արդեն հիպերտոնիա կա կամ սրտի հիվանդությունների զարգացման մեծ հավանականություն: Այս մասին նշված է The BMJ-ում հրապարակված խոշոր հետազոտության մեջ:

Ինչպես հայտնի է, սննդակարգում աղի ավելցուկը նպաստում է զարկերակային ճնշման բարձրացմանը: Նույնիսկ եթե մենք երբեք մեր կերակուրին աղ չենք ավելացնում, միեւնույն է՝ ահռելի քանակությամբ աղ ենք ստանում մթերքներից, որոնց մեջ արտադրողներն այն ավելացնում են անհրաժեշտ համ հաղորդելու համար:

Նոր մեթավերլուծությունը ընդհանրացրել է 133 հետազոտությունների տվյալները, որոնք վերաբերել են սննդակարգում աղի քանակության նվազեցման ազդեցությանը օրգանիզմի վրա: Հեղինակները հաստատել են, որ մարդը որքան քիչ աղ է ուտում, այնքան նրա արյան ճնշումը ցածր է: Ավելին՝ սննդակարգում նատրիումի քանակության նվազեցումը օգնում է նրանց, ում մոտ հիպերտոնիա է զարգացել: Հետազոտության կարեւոր եզրահանգումներից է նաեւ այն, որ աղի քանակության սահմանափակումները նպաստում են նույնիսկ նրանց ճնշման նվազմանը, որոնց համար դեռեւս չի կատարվել հիպերտոնիայի ախտորոշում:

«Այս հետազոտության կարեւորությունն այն է, որ ցույց է տալիս նատրիումի գործածման նվազեցման հետեւանքով զարկերակային ճնշման նվազումը տարբեր պոպուլյացիաներում, ոչ միայն այն մարդկանց մոտ, որոնք աղի հանդեպ առանձնապես զգայուն են համարվում, օրինակ՝ աֆրոամերիկացիները»,- CNN-ին ասել է Նյու Յորքի Մաունթ Սինայ հիվանդանոցից սրտաբան Իսիլմա Ֆեգրյուսը:

Գիտնականները նաեւ հայտնաբերել են, որ սննդակարգում աղի քանակության կրճատումը ավելի արդյունավետ է տարեցների, սեւամորթների եւ նրանց համար, ում մոտ արդեն հիպերտոնիա է զարգացել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է