Չինաստանում իրավիճակն արդեն հսկողության տակ է, եւ կորոնավիրուսի վարակման եւ մահվան դեպքերի թիվը նվազում է: Այս մասին այսօր կառավարության նիստում հայտարարեց ՀՀ առողջապահության նախարար Արսեն Թորոսյանը:
Նրա խոսքով՝ Չինաստանում կորոնավիրուսի դեմ ձեռնարկված գործողությունների արդյունքները նկատելի են: Վերջին տվյալներով՝ Հուբեյ նահանգը, որտեղ տեղաշարժի կոշտ սահմանափակումներ են մտցվել, արդեն արդեն վերադառնում է նորմալ կյանքին:
Սակայն այլ երկրներում իրավիճակը վատթարանում է: Վարակման եւ մահվան նոր դեպքեր են գրանցվել Հարավային Կորեայում, Իտալիայում եւ Իրանում: Վարկման մի քանի հարյուր դեպք է հայտնաբերվել Ֆրանսիայում, Գերմանիայում եւ Իսպանիայում:
Վրաստանում եւ Ռուսաստանում իրավիճակը հսկողության տակ է:
Արսեն Թորոսյանի խոսքով՝ եթե ամեն ինչ ճիշտ արվի, ապա 2-3 շաբաթ անց եվրոպական երկրներում հիվանդացության դեպքերի նվազեցում կնկատվի: Իսկ Հայաստանում անհրաժեշտ կլինի վերանայել կորոնավիրուսի կանխարգելման համար ընդունված բոլոր սահմանափակող միջոցները, ինչպես նաեւ անհրաժեշտություն կլինի վերանայել Չինաստանի հետ հաղորդակցության եւ վիզային ռեժիմի հետ կապված իրավիճակը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր