• Latest news

Ո՞ր մթերքներն են բարելավում կոլոռեկտալ քաղցկեղի բուժման արդյունքները

19 մարտի, 2020  23:18

Պրոբիոտիկների եւ խաչածաղկավոր բանջարեղենների համադրությունը, ինչպիսին է, օրինակ, բրոկոլին, բարելավում են հաստ եւ ուղիղ աղիքի քաղցկեղի բուժման արդյունքը: Այս անսպասելի եզրակացությանը հանգել են Սինգապուրի ազգային համալսարանի աշխատակիցները:

Ինչպես փոխանցում է «ՌԻԱ Նովոստի»-ն, վերը նշված գիտնականները «կոկտեյլ» են ստեղծել E.coli Nissle աղիքային մանրէից, որը վերածել են պրոբիոտիկի, եւ խաչածաղկավոր բանջարեղենների մեջ պարունակվող ֆերմենտից: Արդյունքում առաջացած խառնուրդը լաբորատորային պայմաններում սպանել է քաղցկեղի բջիջների մինչեւ 95 տոկոսը:

Խառնուրդը փորձարկվել է կրծողների վրա: Պարզվել է, որ մկների խմբի մոտ, որոնց կերակրել են այս խառնուրդով, վերահսկվող խմբի համեմատ ուռուցքները նվազել են 3 անգամ:

Դեռ դժվար է ասել` արդյոք խառնուրդը նույն ազդեցությունը կունենա նաեւ մարդկանց վրա եւ կարո՞ղ է արդյոք պրոբիոտիկների եւ խաչածաղկավոր բանջարեղենների օգտագործումը ունենալ նույն ազդեցությունը, բայց մասնագետները, ամեն դեպքում, խորհուրդ են տալիս ներառել դրանք սննդակարգում. չի բացառվում, որ դա կարող է օգնել քաղցկեղի կանխարգելմանը, ինչպես նաեւ` ուռուցքի հեռացումից հետո օրգանիզմի վերականգնման ժամանակ:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ