• Latest news

Որքա՞ն պետք է քնել առողջությունը պահպանելու համար

24 մարտի, 2020  11:05

Գլխուղեղի եւ սրտի կաթվածի զարգացման հավանականությունը նվազեցնելու համար անհրաժեշտ է գիշերը քնել 7-8 ժամ: Այսպիսի կարծիք են հայտնել Աթենքի համալսարանի (Հունաստան) մասնագետները:

Նշված գիտնականները ուսումնասիրել են 40-98 տարեկան ավելի քան 1500 մարդու գիշերային քնի տեւողությունը: Նրանցից ոմանք ունեին անոթների եւ սրտի հիվանդություններ կամ առկա էին համապատասխան հիվանդությունների ռիսկի գործոններ:

Այս մարդկանց բաժանել են 4 խմբի՝ քնի նորմալ տեւողությամբ (գիշերը 7-8 ժամ) մարդիկ, գիշերները քիչ քնողներ (6-7 ժամ), գիշերները շատ քիչ քնողներ (6 ժամից պակաս) եւ գիշերները անչափ շատ քնողներ (8 ժամից ավելի): Գիտնականներն ուսումնասիրել են նաեւ կամավորների անոթների պատերի հաստությունը՝ աթերոսկլերոզի զարգացման աստիճանը գնահատելու համար:

Ստացված բոլոր տվյալները վերլուծելով՝ նրանք կապ են հայտնաբերել գիշերային քնի տեւողության եւ սիրտ-անոթային հիվանդությունների միջեւ: «Նորմալ» խմբի համեմատությամբ՝ նրանց շրջանում, ովքեր կանոնավոր կերպով գիշերը քնել են 6 ժամից պակաս կամ 8 ժամից ավելի, քներակի պատերի հաստացման, դրա առաձգականության նվազման եւ աթերոսկլերոզային վահանիկների առաջացման հավանականությունը մեծ էր համապատասխանաբար 54 եւ 39 տոկոսով:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է