Երեխաների համար կորոնավիրուսը լուրջ վտանգ չի ներկայացնում, սակայն երեխաները կարող են վարակել այլ մարդկանց, որոնք խոցելի են տվյալ վարակի նկատմամբ: Այդ պատճառով զգուշություն պետք է պահպանեն բոլորը անխտիր՝ անկախ տարիքից եւ առողջական վիճակից: Այս մասին լրագրողների հետ զրույցում ասաց առողջապահության նախարար Արսեն Թորոսյանը:
Նրա խոսքով՝ եթե մարդը ռիսկային խմբում չէ, դա չի նշանակում, որ նա պետք է անհոգ ապրի եւ զգուշություն չցուցաբերի:
Խոսելով երեխաների մասին՝ նախարարը նշեց, որ երեխաների մոտ կորոնավիրուսով վարակման ծանր ընթացքի դեպքեր չեն նկարագրվել: Սակայն վարակը կարող է վտանգավոր լինել նաեւ երեխաների համար, որոնք բնածին կամ ձեռքբերովի իմունոդեֆիցիտ ունեն:
Նախարարի խոսքով՝ կորոնավիրուսի դեմ դեռ պատվաստանյութ կամ արդյունավետ դեղամիջոց չկա:
«Ե՛վ երեխաները, եւ՛ մեծահասակները, եւ՛ առողջ մարդիկ, եւ՛ քրոնիկ հիվանդություններ ունեցող մարդիկ. բոլորը պետք է հետեւեն կանոններին, հոգ տանեն ռիսկային խմբի մարդկանց անվտանգության մասին»,- ասաց նախարարը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր