• Latest news

Մարդը կարող է կորոնավիրուսով վարակել մյուս պրիմատներին. The Conversation

28 մարտի, 2020  09:44

Բանական մարդը կարող է COVID-19 հիվանդություն առաջացնող կորոնավիրուսով վարակել մյուս պրիմատներին: Հիվանդության փոխանցման նոր ճանապարհի մասին The Conversation-ին հայտնել է մանրէաբան Արենդ դե Հաասը:

Նա հիշեցրել է, որ վերջին 26 տարում աշխարհում գրանցվել է ինֆեկցիաների 6 բռնկում՝ կապված չղջիկների փոխանցած վիրուսների հետ: Նոր կորոնավիրուսը վիրուսների քիմեր է, որոնց կրողներն են համարվում չղջիկները եւ պանգոլինները:

Մասնագետի խոսքով՝ մակաբույծ վիրուսները, տիրոջ նոր տեսակին վարակելով, բերում են ծանր հիվանդությունների ի հայտ գալուն: Ժամանակի ընթացքում այս հիվանդությունները դառնում են պակաս վտանգավոր՝ կախված այն հանգամանքից, թե մակաբույծն ու տերը ինչպես են մեկը մյուսին հարմարվում:

«Դրա օրինակն է մարդկանց եւ կապիկների միջեւ հիվանդության փոխանցումը, որը, ինչպես ցույց է տրվել, տեղի է ունենում համեմատաբար թեթեւ: Կապիկների վրա կատարված հետազոտությունները ցույց են տվել, որ վերջինները չափազանց զգայուն են մարդու շնչառական վիրուսներով վարակվելու հանդեպ,- պնդում է մանրէաբանը:

Փորձագետի խոսքով՝ գորիլաներն ու շիմպանզեներն, օրինակ, կարող են մարդուց հեշտությամբ վարակվել մրսածության վիրուսներով: Ճիշտ նույն կերպ պրիմատները, մասնավորապես օրանգուտանները կարող են մարդուց վարակվել նաեւ նոր կորոնավիրուսով: Դա թույլ չտալու համար մասնագետը կոչ է անում սահմանափակել մարդկանց հասանելիությունը այս կենդանիների բնակության վայրերին, օրինակ՝ ազգային արգելոցներին:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։