• Latest news

Վրաստանը դադարեցնում է կորոնավիրուսային հիվանդության ռապիդ թեստերի համաձայնագիրը չինական ընկերության հետ

27 մարտի, 2020  18:20

Վրաստանը դադարեցրել է իր պայմանագիրը չինական «Bioeasy» ընկերության հետ, քանի որ ընկերությունը հետ է կանչել շուկայից իր արտադրանքը այն բանից հետո, երբ COVID-19-ի մի քանի ռապիդ թեստեր ցույց տվեցին սխալ արդյունքներ:

Վրաստանի առողջապահության նախարար Եկատերինե Տիկարաձեն այսօր հայտարարել էր, որ թեստերի գնման պայմանագիրը դադարեցվել է նախքան գործարքի կատարումը:

«Այժմ մենք բանակցություններ ենք վարում այլ ընկերությունների հետ` ռապիդ թեստեր գնելու համար», - ասել է Տիկարաձեն:

Նա ասել է, որ այն 1000 ռապիդ թեստերը, որոնք նվիրել են Չինաստանի կառավարությունը, որակյալ են և «Bioeasy» ընկերության կողմից չեն արտադրվել, ու դրանք օգտագործվում են Մառնեուլիի և Բոլնիսիի քաղաքապետարաններում:

Նշենք, որ 2020 թվականի փետրվարի 26-ից Վրաստանում գրանցվել է կորոնավիրուսային հիվանդության 81 հաստատված դեպք: Պացիենտներից երկուսն օտարերկրյա քաղաքացիներ էին, որոնք այս ամսվա սկզբին լքեցին երկիրը՝ չարթերային չվերթով:

Այս պահի դրությամբ Վրաստանում կորոնավիրուսային հիվանդությամբ վարակված 66 հիվանդ կա, այդ թվում` մի քանի անչափահաս:

Նշենք նաեւ, որ մոտ օրերս Հայաստանը եւս ստանալու է կորոնավիրուսի ախտորոշման ռապիդ թեստեր։ Սակայն բազմաթիվ մասնագետներ նշում են, որ ռապիդ թեստերի արդյունքները հուսալի չեն համարվում, եւ այդ թեստերի արդյուքները պետք է վերստուգվեն ավելի հուսալի լաբորատոր մեթոդների, օրինակ՝ պոլիմերազային շղթայական ռեակցիայի մեթոդի օգնությամբ։ Լրագրողների հետ հանդիպման ժամանակ նման կարծիք էր հայտնել նաեւ ՀՀ առողջապահության նախարար Արսեն Թորոսյանը։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել