• Latest news

Արյուն վերցնելու հեռավար տեխնոլոգիաները կարող են ծայրահեղ օգտակար լինել կորոնավիրուսի դեմ պայքարում

28 մարտի, 2020  17:38

Արդիական տեխնոլոգիաները կարող են օգնել մարդկությանը կորոնավիրուսի դեմ պայքարում։ Օրինակ, արյուն վերցնելու հեռավար տեխնոլոգիաները կարող են օգնել կազմակերպել մեծ թվով մարդկանց թեսթավորումը։ Այս մասին «COVID-19․ ի հեճուկս համընդհանուր վախի» առցանց քննարկման ժամանակ ասաց հայտնի գործարար Նուբար Աֆեյանը։

Ըստ նրա՝ խոսքը մի սարքի մասին է, որը մարդուն կարող են ուղարկել փոստով, եւ նա ստանալով՝ կմիացնի այն ձեռքին։ Սարքն ինքը անհրաժեշտ քանակի արյուն կվերցնի, որից հետո մարդը այն ծրարով մասնագետներին կուղարկի։

Աֆեյանի խոսքերով՝ Seventh Sense Biosystems ընկերությունը այդ սարքը ստեղծել է մի շարք այլ սարքերի հետ միասին, եւ այժմ դրանց մասնագետները հետաձգել են մյուս բոլոր նախագծերը, որպեսզի սա ավարտին հասցնեն։

Նման տեխնոլոգիաները կպահանջվեն շատ շուտով, երբ անհրաժեշտ լինի կորոնավիրուսի համար թեսթավորել միլիոնավոր մարդկանց, սակայն նրանց անհնար կլինի հիվանդանոցներ կանչել անալիզի համար։

Հիշեցնենք, որ Բոստոնի Moderna Therapeutics կենսատեխնոլոգիական ընկերության գիտնականները նոր կորոնավիրուսի դեմ պատվաստանյութ են ստեղծել։ Փորձնական mRNA-1273 պատվաստանյութը մշակվել է 42 օր անց այն բանից հետո, երբ չինացի գիտնականները գաղտնազերծել եւ հրապարակել էին վիրուսի գենետիկակա կոդը։ Պատվաստանյութի ստեղծման վրա ավելի քան 100 մասնագետներ են աշխատել։

Փորձնական պատվաստանյութն արդեն 2 շաբաթ է հետազոտությունների առաջին փուլն է անցնում եւ թեսթավորվում է 45 առողջ կամավորների վրա։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։