• Latest news

Չինացի մասնագետները հայտնել են կորոնավիրուսի բուժման եւս մեկ մեթոդի մասին. SCMP

2 ապրիլի, 2020  09:30

Հոնկոնգի համալսարանի գիտնականները հայտնել են կորոնավիրուսային ինֆեկցիայի բուժման եւս մեկ մեթոդի մասին: Նրանց խոսքով՝ ինֆեկցիայի դեմ պայքարին կարող է օգնել արյան շիճուկի փոխներարկումը, որը պարունակում է այս հիվանդությունից արդեն առողջացած մարդկանցից վերցված արյան հակամարմինները: Այս մասին հայտնում է South China Morning Post պարբերականը:

Չինացի մասնագետները փորձեր են կատարել սիրիական ոսկեգույն համստերների վրա՝ հաշվի առնելով նրանց օրգանիզմում ACE2 (անգիոտենիզինափոխարկերպող ֆերմենտ 2) սպիտակուցի կառուցվածքի նմանությունը մարդկայինին: Այս սպիտակուցը համարում են օրգանիզմի բջջի մեջ վիրուսի թափանցման ռեցեպտորը:

Վարակման առաջին շաբաթում կենդանիների մոտ կային ծանր ախտանիշներ, այդ թվում՝ թոքերի, շնչափողի, իմունային համակարգի եւ աղիների ախտահարում: Ժամանակի ընթացքում որոշ կրծողներ սկսել են առողջանալ. վերականգնվել է նրանց քաշը, իսկ արյան մեջ հակամարմիններ են հայտնվել:

Հետազոտողները առողջացած կրծողների արյան շիճուկներն օգտագործել են առողջ համստերին փոխներարկելու համար, այնուհետեւ նրան կորոնավիրուսով են վարակել: Պարզվել է, որ այս դեպքում օրգանիզմի վրա վիրուսային բեռը 10 անգամ ցածր է:

Փորձի ընթացքում նաեւ պարզվել է, որ վարակված կենդանիները կարող են առողջներին վարակել նրանց հետ նույն վանդակում գտնվելիս:

Հիմա գիտնականների խումբը սպասում է էթիկայի հարցերով կոմիտեի հավանությանը, որ նաեւ մարդկանց վրա հետազոտություններ կատարելու հնարավորություն ստանա:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է