Դիմակ կրելը կարող է նվազեցնել կորոնավիրուսի տարածման արագությունը: Այս մասին ասվում է գիտնականների միջազգային խմբի նոր հետազոտության մեջ, որը հրապարակվել է Nature Medicine ամսագրում:
Ինչպես պարզել են հետազոտության հեղինակները, լաբորատոր պայմանները դիմակներն էապես նվազեցրել են տարբեր վիրուսների մասնիկների թիվը:
Փորձին մասնակցել են 246 կամավորներ ռեսպիրատոր վիրուսային վարակների կասկածանքով: Հոնկոնգի համալսարանի մասնագետները ուշադրություն են դարձրել, որ 111 պացիենտի մոտ դիմակ կրելու շնորհիվ վիրուսի մասնիկների թիվը նվազում է: Հետաքրքրիր է, որ դիմակները գրեթե չեն ազդում մթնոլորտում ռինովիրուսների մասնիկների թվին:
Հիշեցնենք, որ ապրիլի 4-ին ԱՄՆ հիվանդությունների կանխարգելման եւ վերահսկման հարցով կենտրոնները հանդես են եկել հայտարարությամբ, որում ասվում է դիմակ կրելու անհրաժեշտության մասին: Բացի այդ, խորհուրդ է տրվում դիմակներ կրել նույնիսկ առանց ախտանիշների մարդկանց, քանի որ նրանք կարող են կորոնավիրուսի փոխանցողներ լինել եւ չիմանալ այդ մասին:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր