• Latest news

Ավստրալիայում դեղ են թեստավորում, որը կարող է 48 ժամում կորոնավիրուսը ճնշել

9 ապրիլի, 2020  11:00

Ավստրալիայում Մոնաշի անվան համալսարանի (MU) եւ Դոերթիի Ինֆեկցիաների եւ իմունիտետի գիտահետազոտական ինստիտուտի մասնագետները հակամակաբուծային դեղամիջոց իվերմեկտինը թեստավորում են COVID-19 առաջացնող կորոնավիրուսի դեմ պայքարում: Գիտնականների աշխատանքի հաշվետվությունը հրապարակվել է Antiviral Research ամսագրում:

Ինչպես հայտնում է ՏԱՍՍ-ը, Մելբուռնի Թագավորական հիվանդանոցի հիմքի վրա անցկացված լաբորատոր հետազոտությունը ցույց է տվել, որ իվերմեկտինը բջջային կուլտուրայի մեջ կորոնավիրուսի աճը կանգնեցնում է 48 ժամում:

«Մենք հայտնաբերել ենք, որ բջիջների համար ոչ թունավոր նույնիսկ մեկ դեղաչափը կարող է 48 ժամում գրեթե ամբողջությամբ՝ 99,98 տոկոսով ոչնչացնել վիրուսային ՌՆԹ-ն եւ միջավայրում վիրուսների խտությունը զգալիորեն նվազեցնել 24 ժամում»,- ասել է հետազոտության առաջատար հեղինակ՝ MU-ի Բիոբժշկության դպրոցի դոկտոր Քայլի Վագսթաֆը:

Արժե նշել, որ դեղամիջոցի արդյունավետությունն առայժմ ապացուցվել է միայն լաբորատոր պայմաններում, այն պետք է հաստատել կլինիկական փորձարկումների ժամանակ:

«Ներկայումս իվերմեկտինն ամբողջ աշխարհում լայնորեն օգտագործվում է եւ անվտանգ դեղամիջոց է համարվում, սակայն մենք պետք է պարզենք՝ արդյոք արդյունավետ կլինի՞ [կորոնավիրուսի դեմ պայքարում] այն դեղաչափը, որը կարելի է օգտագործել մարդու համար: Սա մեր հաջորդ քայլն է»,- նշել է Վագսթաֆը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է