• Latest news

Կինը պատմել է 3 ամսական դստեր մոտ կորոնավիրուսի ախտանշանների մասին. The Sun

9 ապրիլի, 2020  14:47

Անգլիական Լանքաշիր կոմսությունից 27-ամյա Ջեյդ Ուոթսոնը նկարագրել է 3-ամսական դստեր ախտանշանները, ում մոտ COVID-19 կորոնավիրուսային ինֆեկցիա են ախտորոշել:

The Sun-ը հայտնում է, որ ապրիլի 2-ին փոքրիկ Վինթեր-Ռոուզի ջերմությունը բարձրացել է մինչեւ 38,5 աստիճան: Անհանգստացած մայրը շտապ օգնություն է զանգահարել, սակայն նրան խորհուրդ են տվել տանը մնալ:

Ջեյդը հաջորդ օրը փոքրիկի մոտ նկատել է շնչառության դժվարություն եւ բարձր ջերմություն ու այնուամնեայնիվ, շտապ օգնություն է կանչել: Բրիգադը եկել է 3 ժամ հետո, աղջկան հոսպիտալացրել են:

Ապրիլի 4-ի առավոտյան Ջեյդին հայտնել են, որ իր դստեր մոտ COVID-19 է: Բուժումը տեւել է 2 օր, եւ աղջկան շուտով տուն են ուղարկել:

«Նա այդ վիրուսից դեռեւս լրիվ չի ապաքինվել: Ես անգամ չգիտեմ՝ ե՞ս էլ եմ արդյոք վարակվել: Միակ ախտանշանը, որն ինձ մոտ հայտնվեց, գլխացավն էր: Դրանից չեն ազատում անգամ հաբերը»,- պատմել է Ջեյդը:

Ջեյդն ունի նաեւ 6-ամյա որդի, որը հիմա հոր մոտ մեկուսացման մեջ է: Կնոջ խոսքով՝ տղան կարող էր COVID-19-ով վարակվել, քանի որ քրոջ հետ շփվել է մինչեւ նրան հոսպիտալացնելը:

Ջեյդի խոսքով՝ ինքը պահպանել է նախազգուշական բոլոր միջեցները եւ փողոց է դուրս եկել միայն մթերք գնելու համար: Նա շրջապատի մարդկանց կոչ է արել հետեւել մասնագետների խորհուրդներին եւ տանը մնալ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է