• Latest news

Կորոնավիրուսի բուժումը կարող է վտանգավոր լինել սրտի հիվանդություններով մարդկանց համար

27 ապրիլի, 2020  17:35

Որոշ հակավիրուսային դեղամիջոցներ, որոնք այսօր օգտագործում են կորոնավիրուսային ինֆեկցիայի բուժման շրջանակում, կարող են բացասաբար ազդել սրտի եւ լյարդի վրա: Այս մասին զգուշացնում է Ռուսաստանի առողջապահության նախարարության Սրտաբանության ազգային բժշկական հետազոտական կենտրոնի գլխավոր տնօրենի առաջին տեղակալ Ֆիլիպ Պալեեւը:

Ինչպես փոխանցում է «Ինտերֆաքսը», մասնագետը նշել է, որ չի կարելի առանց բժշկի նշանակման ինքնուրույն ընդունել հակավիրուսային դեղամիջոցներ:

Մասնագետի խոսքով՝ չկան հավաստի տեղեկություններ այն մասին, որ սրտի հիվանդություններով մարդիկ COVID-19-ով ավելի հաճախ են հիվանդանում, բայց ինֆեկցիան կարող է խորացնել քրոնիկական հիվանդությունների ընթացքը, այդ թվում՝ սրտի հիվանդությունների, եւ հենց այս պատճառով են այդպիսի պացիենտները ռիսկի խմբում: Պատահական չէ, որ կորոնավիրուսի զոհերի մեծամասնության մոտ եղել են ուղեկցող պաթոլոգիաներ, ինչպես՝ սրտի իշեմիկ հիվանդություն, սրտային քրոնիկական անբավարարություն, զարկերակային հիպերտոնիա, շաքարային դիաբետ եւ այլն:

Սրտաբանի խոսքով՝ ընդհանրապես սիրտ-անոթային հիվանդություններով պացիենտների մոտ կորոնավիրուսային ինֆեկցիան ավելի ծանր է ընթանում սրացումների պատճառով: Նա նման պացիենտներին կոչ է անում հետեւել ինքնամեկուսացման, հիգիենայի եւ պաշտպանության անհատական միջոցների օգտագործման հրահանգներին: Նա նրանց նաեւ խորհուրդ է տալիս պարբերաբար չափել զարկերակային ճնշումը եւ ցուցանիշները գրանցել օրագրում, իսկ սովորական տվյալներից զգալի շեղումների դեպքում կապ հաստատել բժշկի հետ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է